<%@LANGUAGE="VBSCRIPT" CODEPAGE="1252"%> به‌ندی عه‌لی
<%response.write(time())%>
<%response.write(date())%>

!...ڕوانگه‌ ماڵپه‌ڕێکی هه‌مه‌چه‌شنه‌ی سه‌ربه‌خۆ و ئازاده‌ ،ئاماده‌یه‌ بۆ بڵاوکردنه‌وه‌ی هه‌موو بابتێک به‌مه‌‌رجێک پابه‌ندی پرێنسیپه‌کانی بڵاوکردنه‌وه‌ی ئه‌م  ماڵپه‌ڕه‌ بێت. تکایه‌ له‌ ڕێگه‌ی ئیمه‌یله‌وه‌ بابه‌ته‌کانی خۆتان ڕه‌وانه‌بکه‌ن و ڕوانگه‌ ده‌وڵه‌مه‌ندبکه‌ن
 

به‌یادی شاملۆوه

به‌ندی عه‌لی ..

 

دونیایه‌کی سه‌یره ، گوڵم

چیایه‌کیان له‌که‌لله‌سه‌ر هه‌ڵچنیوه‌و

پێی ئه‌ڵێن .. میحرابی ئیمان

ڕووبارێکی قرمزیی خه‌ست

له‌چۆڕاوی ڕوحی گوڵه‌ گوشراوه‌کان

به‌دامه‌نیا شه‌پۆل ئه‌داو

پێی ئه‌لێن .. جۆگه‌ی حه‌مامی

جه‌سته‌ چڵکداره‌کانی جورم و گوناح

گڕدانێکیان له‌خه‌ڵوزی قه‌ترانیی ناخ

هه‌ڵکردووه‌و

به‌تێزابی بیردۆزی ڕق جۆشی ئه‌ده‌ن

پێی ئه‌ڵێن .. ته‌نووری دۆزه‌خ

باسی شه‌قامێکیش ئه‌که‌ن

له‌قاتێکی نهۆمه‌کانی ئاسمانا

که‌هه‌ر حۆریه‌ که‌مه‌ر ته‌نگ و

به‌ژن به‌رزه‌کان به‌نێویا گوزه‌شت ئه‌که‌ن

پێی ئه‌ڵێن .. شه‌قامی به‌هه‌شت

سێدارو ملوانکه‌یه‌کیش هه‌ڵخراوه‌

بۆ پاساریه‌ لاساره‌کان ، که‌جریوه‌یان

باوێشک به‌ئایه‌توڵایه‌ک ئه‌پچڕێنێ

له‌خه‌ڵوه‌تی خه‌وێکیدا

له‌گه‌ڵ حۆریه‌کی چاو جوان

ئای ، چ به‌خته‌وه‌ری ، ئێران

 

  

مافي ئةم ساييتة ثارصزراوة بؤ ئاراس©2006