ژووری هه‌وال / داركۆ سعید

 تازه‌ کراوه‌ته‌وه‌ له‌ ڕۆژی11/ 03/ 2010

&&&&&&&&&&&&&&&&&&&&&&&&&

به‌یاننامه‌ی‌ كۆمه‌ڵێك له‌رۆشنبیرو رۆژنامه‌نووسان
 

ژماره‌یه‌ك له‌ رۆشنبیر‌و رۆژنامه‌نوسانی كوردستان له‌ به‌یاننامه‌یه‌كدا ناڕه‌زایی خۆیان سه‌باره‌ت به‌ مه‌ترسی ده‌ستگیركردن‌و گوشارخستنه‌سه‌ر هێزه‌چه‌كداره‌كانی كوردستان به‌ هۆی ئه‌وه‌ی ده‌نگیان به‌ لایه‌نێكی دیاریكراو دابێت ده‌رده‌بڕن ده‌قی به‌یاننامه‌كه‌ ده‌خوێننه‌وه‌: به‌یاننامه‌ی‌ كۆمه‌ڵێك له‌رۆشنبیرو رۆژنامه‌نووسان له‌م چه‌ند رۆژی‌ رابردوودا، هه‌رێمی‌ كوردستان به‌تاقیكردنه‌وه‌یه‌كی‌ گرنگدا تێپه‌ڕی‌. له‌م تاقیكردنه‌وه‌یه‌شدا، ره‌خساندنی‌ كه‌شێكی‌ ئازادو دوور له‌تۆقاندن، مه‌حه‌كی‌ راسته‌قینه‌ی‌ دیموكراسی‌ بوونی‌ ده‌سه‌ڵات‌و هه‌موو هێزه‌ ركه‌به‌ره‌كانیه‌تی‌، چونكه‌ سه‌ره‌تاترین پره‌نسیپی‌ دیموكراسی قبوڵكردنی‌ دۆڕان‌و زامنكردنی‌ مافی‌ به‌ئازادی‌ هه‌ڵبژاردنه‌ به‌هه‌موو هاوڵاتییه‌ك به‌یه‌كسانی‌. له‌م روانگه‌یه‌وه‌، ئه‌وه‌ی‌ جێی‌ نیگه‌رانی‌‌و ناڕه‌زایی ئێمه‌یه‌، شه‌پۆلی‌ ده‌ستگیر كردن‌و ئازاردان‌و په‌لاماردانی‌ خه‌ڵكێكه‌ له‌شاری‌ سلێمانی‌ له‌سه‌ر ئه‌وه‌ی‌ ده‌نگیان به‌لیستێكی‌ دیاریكراو داوه‌، به‌تایبه‌تی‌ ئه‌و ئه‌فسه‌رو پله‌دارانه‌ی‌ هێزه‌كانی‌ وه‌زاره‌تی‌ ناوخۆ‌و پێشمه‌رگه‌ كه‌ به‌هۆی‌ ئاشكراكردنی‌ ده‌نگیانه‌وه‌ به‌لایه‌نێكی‌ دیاریكراو رووبه‌ڕووی‌ لێپێچینه‌وه‌ بوونه‌ته‌وه‌، به‌بیانوی‌ ئه‌وه‌ی‌ گوایه‌ نابێت له‌ناو هێزه‌ چه‌كداره‌كاندا ئه‌م كارانه‌ بكرێت، وه‌ك ئه‌وه‌ی‌ هێزه‌ چه‌كداره‌كانی‌ كوردستان زۆر بێلایه‌ن بن! ئه‌وه‌ی‌ جێی‌ مه‌ترسیشه‌ وه‌ك باس ده‌كرێت، ئه‌م لێپێچینه‌وه‌و سزادانه‌ به‌فه‌رمانی‌ كه‌سێك ئه‌نجامدراوه‌ كه‌ سه‌رۆك كۆماری‌ عێراقه‌و سوێندی‌ یاسایی‌ خواردووه‌ رێز له‌ماف‌و ئازادییه‌كانی‌ هه‌موو هاوڵاتیه‌ك بگرێت به‌بێ‌ جیاوازی‌ بیروڕای‌ سیاسییان. هه‌ربۆیه‌ ئێمه‌ وێڕای‌ ده‌ربڕینی‌ ناڕه‌زایی‌ خۆمان به‌رامبه‌ر به‌گرتنه‌به‌ری‌ ئه‌و جۆره‌ رێوشوێنانه‌، ئیدانه‌ی‌ هه‌ر جۆره‌ كارێك ده‌كه‌ین كه‌ ببێته‌ مایه‌ی‌ سنووردار كردنه‌وه‌ی‌ روبه‌ری‌ ئازادی‌‌و ده‌ڕبڕینی‌ بیروڕا له‌هه‌رێمی‌ كوردستاندا، چونكه‌ پێمانوایه‌ ئه‌م كارانه‌ جگه‌ له‌وه‌ی‌ رێگه‌ بۆ شێواندنی‌ ئارامی‌ كوردستان فه‌راهه‌م ده‌كه‌ن، له‌هه‌مانكاتیشدا وێنه‌یه‌كی‌ ناشیرینی‌ ئه‌م هه‌رێمه‌ پیشانی‌ ده‌ره‌وه‌ ده‌ده‌ن. ئێمه‌ داواكارین ده‌ستبه‌جێ‌ ئه‌و جۆره‌ كارانه‌ رابگیرێن‌و مافی‌ ژیان‌و ئازادیش بۆ هه‌موو هاوڵاتییه‌ك به‌بێ‌ جیاوازی‌ له‌لایه‌ن ده‌سه‌ڵاته‌وه‌ به‌ڕه‌وا ببینرێت ناوه‌كان:
1- شوان ئه‌حمه‌د
2ـ ئارام جه‌مال
3- ئه‌حمه‌د میره‌
4- ئاسۆس هه‌ردی‌
5-  سه‌ردار محه‌مه‌د
6- ره‌حمان غه‌ریب
7- كه‌مال ره‌ئوف
8- فه‌تاح زاخۆیی‌
9ـ شوان محه‌مه‌د
10- دیاری‌ عه‌بدولقادر

&&&&&&&&&&&&&&&&&&&&&&&&&&&‌&&&

ته‌نها سود له‌ 500 هه‌زار دۆنم زه‌وی‌ به‌رئاوی‌ هه‌رێم وه‌رگیراوه‌

له‌ 16 به‌شی زه‌ویه‌ به‌رئاوه‌كانی‌ هه‌رێمی كوردستان، ته‌نها یه‌ك به‌شی بۆ كشتوكاڵی هاوینه‌ به‌شێوه‌یه‌كی ته‌واو سودی‌ لێ وه‌رده‌گیرێت، كه‌ ده‌كاته‌ 6%ی‌ زه‌ویه‌ به‌راوه‌كان.ئه‌ندازیار عه‌لی ره‌شید، به‌ڕێوه‌به‌ری‌ گشتی‌ پلاندانان ‌و به‌دواداچونی‌ وه‌زاره‌تی كشتوكاڵ ‌و سه‌رچاوه‌كانی‌ ئاوی‌ هه‌رێمی كوردستان رایگه‌یاند: هه‌رێمی كوردستان هه‌شت ملیۆن دۆنم زه‌وی‌ به‌رئاوی‌ هه‌یه‌، به‌ڵام به‌هۆی‌ نه‌بونی‌ پرۆژه‌ی‌ ستراتیژی ئاو، ته‌نها سودی‌ ته‌واو له‌ 500 دۆنم زه‌وی‌ وه‌رگیراوه‌، واته‌ 15 به‌شی ته‌نها بۆ كشتوكاڵی یه‌ك وه‌رزی‌ وه‌كو گه‌نم ‌و جۆ و نۆك ‌و دانه‌وێله‌ی‌ تری‌ زستانه‌ سودی‌ لێوه‌رده‌گیرێت، بۆیه‌ له‌رێگه‌ی‌ دیاریكردنی‌ شوێن بۆ به‌نداو ‌و پرۆژه‌ی‌ ئاو و جێبه‌جێكردنیان، رێژه‌ی‌ به‌رئاوكردنی‌ زه‌وی‌ بۆ وه‌رزی‌ زستان ‌و هاوین زیاد ده‌بێت، به‌و هۆیه‌شه‌وه‌ به‌رهه‌می كشتوكاڵی ناوخۆیی زیاد ده‌كات.

&&&&&&&&&&&&&&&&&&&&&&&&&&&‌&&&

حكومه‌تی هه‌رێم 12 ملیۆن دۆلار قه‌رز ده‌داته‌ كه‌رتی به‌خێوكردنی په‌له‌وه‌ر

به‌مه‌به‌ستی یارمه‌تیدان و ژیاندنه‌وه‌ی كه‌رتی به‌رهه‌مهێنانی مریشك و هێلكه‌، حكومه‌تی هه‌رێم 12 ملیۆن دۆلار قه‌رزی داوه‌ته‌ پڕۆژه‌كانی به‌خێوكردنی په‌له‌وه‌ر. له‌مباره‌یه‌وه‌، سه‌رۆكی ئه‌نجومه‌نی باڵای پیشه‌سازی په‌له‌وه‌ر له‌ هه‌رێمی كوردستان "حه‌یده‌ر فه‌رحان" تایبه‌ت به‌ ئاژانسی په‌یامنێری راگه‌یاند، به‌ مه‌به‌ستی یارمه‌تیدانی كه‌رتی به‌خێوكردنی په‌له‌وه‌ری ناوخۆیی و بۆ ئه‌وه‌ی بتوانێت ركابه‌ری به‌روبوومی ده‌ره‌كی بكات، حكومه‌تی هه‌رێم 12 ملیۆن دۆلار پاره‌ی به‌ قه‌رز داوینه‌تێوتیشی: ئه‌و قه‌رزه‌ به‌ دوو قسته‌ و قستی یه‌كه‌میمان وه‌رگرتووه‌ و به‌شی دووه‌می هێشتا وه‌رمان نه‌گرتووه‌."حه‌یده‌ر فه‌رحان" ئه‌وه‌شی راگه‌یاند، ئه‌و قه‌رزه‌ له‌ماوه‌ی سێ ساڵدا و به‌ بێ هیچ زیاده‌یه‌ك ده‌درێته‌وه‌ به‌ حكومه‌ت.

&&&&&&&&&&&&&&&&&&&&&&&&&&&&&

به‌بىَ رِه‌چاوكردنى مه‌رجى یاسایى و پیشه‌یى ، كورسى خوێندن بۆ لایه‌نگرى حیزبه‌كان داده‌نرێت ‌
 

سه‌ندیكاى رِۆژنامه‌نووسانى كوردستان له‌ رِونكردنه‌وه‌یه‌كدا كه‌ وینه‌یه‌كى بۆ ئاژانسى ده‌نگوباسى كوردستانیوز نێردراوه‌ ئه‌وه‌ ده‌خه‌نه‌رِوو " چه‌ندین كورسى خوێندن له‌و به‌شانه‌ بىَ ره‌چاوكردنى مه‌رجه‌ یاسایى و پیشه‌ییه‌كان له‌رێگه‌ى تایبه‌ته‌وه‌ بۆ لایه‌نگرانى حزبه‌كان دابین ده‌كرێتله‌به‌شێكى ترى ئه‌و رِونكردنه‌وه‌یدا هاتووه‌ " سه‌ره‌رِاى هه‌وڵ و كۆششه‌كانى سه‌ندیكا, سالاَنه‌ كۆمه‌ڵىَ ئاسته‌نگ و له‌مپه‌ر بۆ وه‌رگرتنى ئه‌ندامانى سه‌ندیكا دروست ده‌كرێت و له‌ ئه‌نجامدا هه‌وڵه‌كان له‌بار ده‌برێن و به‌چه‌ند كورسییه‌كى كه‌م ساڵه‌كه‌ به‌رِىَ ده‌خرىَ.ده‌قى رِونركردنه‌وه‌كه‌ى سه‌ندیكا:روونكردنه‌وه‌یه‌ك له‌ ئه‌نجوومه‌نى سه‌ندیكاى رۆژنامه‌نووسانى كوردستانه‌وه‌سه‌باره‌ت به‌وه‌رگرتنى رۆژنامه‌نووسان له‌به‌شه‌كانى راگه‌یاندنى زانكۆو په‌یمانگاكانى كوردستانماوه‌ى چه‌ند ساڵێكه‌ ئه‌نجوومه‌نى سه‌ندیكاى رۆژنامه‌نووسانى كوردستان له‌هه‌وڵى ئه‌وه‌دایه‌ له‌گه‌ڵ وه‌زاره‌تى خوێندنى بالاَ بۆ دابینكردنى كورسى خوێندن له‌به‌شه‌كانى راگه‌یاندن له‌په‌یمانگاو زانكۆكانى كوردستان بۆ ئه‌ندامانى سه‌ندیكا..به‌لاَم مخابن سه‌ره‌رِاى هه‌وڵ و كۆششه‌كانى سه‌ندیكا, سالاَنه‌ كۆمه‌ڵىَ ئاسته‌نگ و له‌مپه‌ر بۆ وه‌رگرتنى ئه‌ندامانى سه‌ندیكا دروست ده‌كرێت و له‌ ئه‌نجامدا هه‌وڵه‌كان له‌بار ده‌برێن و به‌چه‌ند كورسییه‌كى كه‌م ساڵه‌كه‌ به‌رِىَ ده‌خرىَ.له‌به‌رامبه‌ریشدا چه‌ندین كورسى خوێندن له‌و به‌شانه‌ بىَ ره‌چاوكردنى مه‌رجه‌ یاسایى و پیشه‌ییه‌كان له‌رێگه‌ى تایبه‌ته‌وه‌ بۆ لایه‌نگرانى حزبه‌كان دابین ده‌كرێت.به‌پێى رێكه‌وتنى نێوان سه‌ندیكاى رۆژنامه‌نووسان و وه‌زاره‌تى خوێندنى بالاَ له‌ كۆنووسى ژماره‌ (7)ى 1/7/2009ى ئه‌نجوومه‌نى وه‌زاره‌تدا برِیارى له‌سه‌ر دراوه‌و له‌ 22/7/2009 فه‌رمانى وه‌زاره‌تى بۆ ده‌رچووه‌ كه‌ ده‌بێ 10%ى كورسى ئه‌و به‌شانه‌ له‌زانكۆكان و 30%ى كورسى ئه‌و به‌شانه‌ له‌په‌یمانگاكان بۆ ئه‌ندامانى سه‌ندیكای رۆژنامه‌نووسان دابین بكرىَ به‌ گوێره‌ى كۆمه‌ڵىَ مه‌رج.به‌داخه‌وه‌ پێچه‌وانه‌ى یاساو رێساكان، له‌زانكۆى سه‌لاَحه‌دین ته‌نها (6) كورسى بۆ سه‌ندیكا دابین كراوه‌ له‌به‌رامبه‌ردا چه‌ندین كورسى دیكه‌ له‌و به‌شه‌دا دراوه‌ به‌ لایه‌نگرانى حزب و له‌زانكۆى سلێمانش كار به‌و فه‌رمانه‌ نه‌كراوه‌و وه‌ك سالاَنى پێشوو مامه‌ڵه‌ كراوه‌و سه‌ندیكا له‌ كورسى خوێندن بىَ به‌ش كراوه‌، هه‌روه‌ها له‌په‌یمانگاى ته‌كنیكى دهۆكیش تا ئێستا یه‌ك كورسى نه‌دراوه‌ به‌ سه‌ندیكا. بۆیه‌ به‌پێویستمان زانى له‌م روونكردنه‌وه‌یه‌دا ئه‌و راستییانه‌ بۆ هه‌موولا روون بكه‌ینه‌وه‌.

ئه‌نجوومه‌نى سه‌ندیكاى
رۆژنامه‌نووسانى كوردستان
10/3/2010

&&&&&&&&&&&&&&&&&&&&&&&&&&&&&&&&&&&

رۆژی‌ 13/3 خولی‌ نوێی په‌رله‌مانی‌ كوردستان ده‌ست پێده‌كات

رۆژی‌ شه‌ممه‌ی‌ داهاتو 13/3/2010 پشوی‌ ره‌سمیی‌ په‌رله‌مان كۆتایی‌ دێت و خولی‌ نوێی‌ دانیشتنه‌كانی‌ په‌رله‌مانی‌ كوردستان ده‌ست پێده‌كات، هاوكات فراكسیۆنی‌ گۆڕان كارنامه‌یه‌كی‌ ئاماده‌كردوه‌ كه‌ بۆ ماوه‌ی‌ چوار مانگ به‌رنامه‌ی‌ كاری‌ فراكسیۆنه‌كه‌یان داڕشتوه‌.
تارق جه‌وهه‌ر سارمه‌می‌ راوێژكاری‌ راگه‌یاندنی‌ په‌رله‌مانی‌ كوردستان به‌ سبه‌ی‌ راگه‌یاند: رۆژی‌ شه‌ممه‌ی‌ داهاتو رێكه‌وتی‌ 13/3/2010 پشوی‌ ره‌سمیی‌ خولی‌ یه‌كه‌می‌ په‌رله‌مان كۆتایی‌ دێت و خولی‌ نوێی‌ دانیشتنه‌كان ده‌ستپێده‌كاته‌وه‌.تارق جه‌وهه‌ر وتیشی‌: سه‌عات 1:00ی‌ پاشنیوه‌ڕۆی‌ رۆژی‌ شه‌ممه‌، ده‌ستپێكی‌ كردنه‌وه‌ی‌ خولی‌ نوێی‌ په‌رله‌مانه‌ و تیایدا وتاری‌ سه‌رۆكی‌ په‌رله‌مان ده‌خوێنرێته‌وه‌ و به‌ ره‌سمی‌ ئه‌و خوله‌ نوێیه‌ راده‌گه‌یه‌نرێت و ئاماژه‌ به‌ به‌رنامه‌ی‌ كاری‌ داهاتوی‌ په‌رله‌مان ده‌كرێت.وتیشی‌: له‌ دوای‌ دانیشتنی‌ ده‌ستپێك، له‌ رۆژانی‌ دواتردا دانیشتنه‌ ئاساییه‌كان له‌ ژماره‌ یه‌كه‌وه‌ ده‌ست پێده‌كه‌نه‌وه‌.هاوكات كاردۆ محه‌مه‌د ئه‌ندامی‌ فراكسیۆنی‌ گۆڕان له‌ په‌رله‌مانی‌ كوردستان به‌ سبه‌ی‌ راگه‌یاند: بۆ خولی‌ نوێی‌ په‌رله‌مانی‌ كوردستان، ئێمه‌ وه‌كو فراكسیۆنی‌ گۆڕان كارنامه‌یه‌كمان داڕشتوه‌ بۆ ماوه‌ی‌ چوار مانگی‌ داهاتو، كه‌ تێیدا ئه‌وله‌ویه‌تی‌ كاره‌كانمان بریتی‌ ده‌بێت له‌ گرنگیدان به‌و پرۆژه‌یاسایانه‌ی‌ كه‌ گرنگن وه‌كو قه‌ده‌غه‌كردنی‌ كاری‌ حیزبی‌ له‌ناو هێزه‌ چه‌كداره‌كان و هه‌روه‌ها مه‌سه‌له‌ی‌ دیاریكردنی‌ پشكی‌ حیزبه‌ سیاسیه‌كان له‌ بودجه‌ی‌ وڵات و رێكخستنی‌ موچه‌ی‌ فه‌رمانبه‌ران و كه‌مكردنه‌وه‌ی‌ ئه‌و كه‌لێنه‌ گه‌وره‌یه‌ری‌ كه‌ له‌نێوان موچه‌ پله‌به‌رزه‌كان و پله‌نزمه‌كاندا هه‌یه‌، ئه‌مه‌ جگه‌ له‌ چاودێكردنی‌ كاره‌كانی‌ حكومه‌ت له‌ سه‌رجه‌م وه‌زاره‌ته‌كاندا.ئه‌و په‌رله‌مانتاره‌ ته‌ئكیدیشیكرده‌وه‌ كه‌ له‌ خولی‌ داهاتوی‌ په‌رله‌ماندا، فراكسیۆنی‌ گۆڕان به‌رده‌وام ده‌بێت له‌ چونه‌ ناو جه‌ماوه‌ر و به‌دواداچونی‌ كێشه‌كان و دیاریكردنی‌ كه‌موكوڕییه‌كان و هه‌وڵدان بۆ چاره‌سه‌ركردنیان به‌پێی‌ یاسا.

 &&&&&&&&&&&&&&&&&&&&&&&&&&&&&&&&&&

ئهیاد عهلاوی ئامادهیی دهربڕی هاوپهیمانی لهگهڵ لیستهكهی مالیكیدا ببهستێت

لهمیانهی چاوپێكهوتنێكیدا لهگهڵ سایتی وهتهن ئهیاد عهلاوی سهرۆكی لیستی ئهلعێراقیه رایگهیاند: ئامادهین له پێناو بهرژهوهندی وڵاتدا هاوپهیمانی لهگهڵ سهرجهم لایهنهكاندا ببهستین, وتیشی لهگهڵ لیستی ئیتیلافی دهوڵهتی یاسادا هاوپهیمانی دهبهستین و پێمان وایه پێكهێنانی حكومهتێكی هاوبهش كه سهرجهم پێكهاتهكان تێیدا بهشدار بن سودی بۆسهرجهم عێراقییهكان دهبێت.
عهلاوی ئهوهشی ئاشكرا كرد: پێویسته حكومهت داهاتو گرنگی بدات به بهرهو پێشبردنی پهیوهندییهكانی لهگهڵ وڵاتانی دهرهوه بهتایبهت ئێران و ئهمریكا چونكه بهرژهوهندی هاوبهش له نێوان ئهو وڵاتانهدا ههیه

&&&&&&&&&&&&&&&&&&&&&&&&&&&&&&&&&&‌

لیستی مالكی: دژی دوورخستنه‌وه‌ی كوردین له‌ پۆستی سه‌رۆكایه‌تی

لیستی ئیئتلافی ده‌وڵه‌تی یاسا رایگه‌یاند، دوورخستنه‌وه‌ی كورد له‌ پۆستی سه‌رۆكایه‌تی له‌ بیری ره‌گه‌زپه‌رستییه‌وه‌ سه‌رچاوه‌ی گرتووه‌ و ئه‌و بۆچوونه‌ له‌ عێراقی نوێدا جێی نابێته‌وه‌. به‌رپرسی باڵا له‌ ئیئتلافی ده‌وڵه‌‌تی یاسا وه‌لید ئه‌لحلی رایگه‌یاند، ئه‌وانه‌ی بانگه‌شه‌ی دوورخستنه‌وه‌ی كورد له‌ پۆستی سه‌رۆكایه‌تی ده‌كه‌ن بۆچوونییان له‌ ره‌گه‌زپه‌رستییه‌وه‌ سه‌رچاوه‌ی گرتووه‌ و ئێمه‌ ئه‌و لێدوانانه‌ی باس له‌ دوورخستنه‌وه‌ی كورد ده‌كه‌ن ره‌تده‌كه‌ینه‌وه‌ و نابێت ئه‌و بۆچوونانه‌ له‌ عێراقی نوێدا بوونییان بمێنێت.ئه‌لحلی له‌ لێدوانیدا بۆ ئه‌سوات عێراق گوتیشی "سه‌رۆك تاڵه‌بانی له‌ ماوه‌ی چوار ساڵی سه‌رۆكایه‌تیی كۆماردا ره‌ونه‌قی به‌خشیوه‌ته‌ ئه‌و پۆسته‌ و له‌و ئاسته‌دا هه‌ر خۆی پارێزه‌ری یه‌كێتی و یه‌كبوونی نێوان ته‌واوی پێكهاته‌كانی عێراق بووه‌".روونیشیكرده‌وه‌، سه‌رۆك تاڵه‌بانی به‌شدارییه‌كی كارایی له‌ قوڵكردنه‌وه‌ی گیانی یه‌كێتی له‌ عێراق كردووه‌ و حزبی ده‌عوه‌ به‌سه‌رۆكایه‌تی نوری مالكی و لیستی ئیئتلافی ده‌وڵه‌تی یاسا به‌ هه‌موو جۆرێك دژی ئه‌و لێدوانانه‌ ده‌وه‌ستێته‌وه‌ چونكه‌ ئه‌و لێدوانانه‌ی باس له‌ بێبه‌شكردنی پێكهاته‌یه‌كی سه‌ره‌كی وڵات ده‌كه‌ن لێدوانی تائیفیانه‌ و شۆڤینیانه‌ن".سه‌رۆك كۆماری عێراق جه‌لال تاڵه‌بانی له‌ ماوه‌ی قۆناغی گواستنه‌وه‌دا واته‌ 2005-2006 سه‌رۆكایه‌تی كۆماری عێراقی كرد و دوای ئه‌نجامدانی پرۆسه‌ی هه‌ڵبژاردنی گشتی له‌ عێراقدا له‌ لایه‌ن ئه‌نجومه‌نی نوێنه‌رانی عێراق بۆ ئه‌و پۆسته‌ هه‌ڵبژاردرایه‌وه‌ و له‌ 2006 بۆ جارێكی دیكه‌ و بۆماوه‌ی چوار ساڵ بۆ پۆستی سه‌رۆكایه‌تی كۆمار هه‌ڵبژێردرایه‌وه‌.

‌&&&&&&&&&&&&&&&&&&&&&&&&&&&&&&&&&&

هاورده‌كردنی‌ كاڵای‌ ئێرانی بۆ هه‌رێم زیادیكردوه‌

رێژه‌ی‌ هاورده‌كردنی‌ كاڵا ‌و به‌رهه‌می كۆماری‌ ئیسلامی ئێران له‌سنوری‌ مه‌رزی‌ نێوده‌وڵه‌تی‌ حاجی ئۆمه‌رانه‌وه‌ بۆ هه‌رێمی كوردستان به‌شێوه‌یه‌كی به‌رچاو به‌رزبوه‌ته‌وه‌.له‌راگه‌یه‌ندراوێكدا ناوه‌ندی‌ به‌دواداچونی‌ ئابوری‌ ئێران بڵاویكردوه‌، ئاستی‌ هه‌نارده‌كردنی‌ كاڵا ‌و شمه‌كی ئێرانی له‌رێی سنوری‌ حاجی ئۆمه‌رانه‌وه‌ بۆ هه‌رێمی كوردستان تا كۆتایی ئه‌م مانگه‌ ده‌گاته‌ 800 ملیۆن دۆلار.
راگه‌یه‌ندراوه‌كه‌ ئاماژه‌ی‌ به‌وه‌شكردوه‌، ئاستی‌ هه‌نارده‌كردنی‌ كاڵای‌ ئێرانی‌ له‌رێگای‌ سنوری‌ حاجی ئۆمه‌ران بۆ هه‌رێم، به‌به‌راورد له‌گه‌ڵ ساڵی رابردودا، به‌رێژه‌ی‌ له‌ 110% به‌رزبوه‌ته‌وه‌ و پێشبینیش ده‌كرێت ئه‌و رێژه‌یه‌ له‌ماوه‌ی‌ ئه‌مساڵدا زۆر زیاتر زیاد بكات

&&&&&&&&&&&&&&&&&&&&&&&&&&&&&&&&&&‌

هه‌فته‌ی داهاتوو ئه‌مه‌ریكا زیندانی تاجی راده‌ستی عێراق ده‌كاته‌وه‌

برِیاره‌ رۆژی دووشه‌ممه‌ی داهاتوو سوپای ئه‌مه‌ریكا زیندانی تاجی و نزیكه‌ی 3 هه‌زار ده‌ستگیركراوی زیندانه‌كه‌ راده‌ستی حكومه‌تی عێراق بكاته‌وه‌. ئه‌مرِۆ پێنجشه‌ممه‌ له‌ به‌یاننامه‌یه‌كدا سوپای ئه‌مه‌ریكا له‌ عێراق رایگه‌یاند، رۆژی دووشه‌ممه‌ی داهاتوو زیندانی تاجی راده‌ستی حكومه‌تی عێراق ده‌كاته‌وه‌.به‌ گوێره‌ی به‌یاننامه‌كه‌، سوپای ئه‌مه‌ریكا هاوكات له‌گه‌ڵ راده‌ستكردنه‌وه‌ی زیندانه‌كه‌، 2 هه‌زار و 900 به‌ندكراویعێرقی راده‌ستی حكومه‌ت ده‌كاته‌وه‌.ئه‌و زیندانه‌ له‌ لایه‌ن سوپای ئه‌مه‌ریكاوه‌ بنیاتنراوه‌ و برِی 110 ملیۆن دۆلاری ئه‌مه‌ریكایی تێچووه‌.

 

&&&&&&&&&&&&&&&&&&&&&&&&&&&&&&&&&&‌

 

 

 

 

 

 

،په‌یامنێر ،.ئاوێنه‌، هاوڵاتی.سبه‌ی

 

 

 

 

 

مافي ئةم ساييتة ثارصزراوة بؤ ئاراس©2006