////////////////////////////////////////////////////////////////////////////////////////////////////////////
گریانو قاقای كچان
لهئێواره كۆڕێكدا
بنكهی ئهدهبیو ڕوناكبیری گهلاوێژ،
ئێواره كۆڕێكی بۆ چوار كچه چیرۆكنوووسی شاری سلێمانیو ناوچهی
شارهزوور سازكرد.
شاخهوان مهحمود، ئاوێنه: لهژێر ناوی (چوار كچ لهئێوارهكی
چیرۆكدا دهدرهوشێنهوه)، بنكهی ئهدهبیو ڕوناكبیری گهلاوێژ،
ئێوارهی ئهمڕۆ (دووشهممه)21/7، لههۆڵی دیالۆگی مهكتهبی
ڕێكخراوه دیموكراتیهكان، ئێواره كۆڕێكی چیرۆك خوێندنهوهی بۆ
چیرۆكنووسان، سهبا ههڵهبجهیی بهچیرۆكی (دانسقهترین میرات)،
گوڵاڵه عوسمان بهچیرۆكی (سۆراخی تهنیایی)، نهمام شێخ بهكر
بهچیرۆكی (یهك خولهك)، نهرمین عوسمان بهچیرۆكی (باڵه
سپیهكان) سازكرد.
ههڵسوڕێنهرو چیرۆكنووسێكی ئێوارهكه، گوڵاڵه عوسمان بهسایتی
ئاوێنهی ڕاگهیاند كه ئهمه یهكهمینجاره لهبواری چیرۆكدا
ئێواره كۆڕێك بۆ كچانو ژنان ساز بكرێت، وێڕای سوپاسی بۆ بنكهی
گهڵاوێژ، داواكار بوو كه لهم بوارهدا پهره بهژنان بدرێت.
گوڵاڵه عوسمان ئاماژهی بهوهشدا كه ئهم ئێواره كۆڕه
وهڵامێكه بۆ ئهو كهسانهی دهڵێن چیرۆكنووسی ئافرهتمان
نییهو كچانو ژنان لهو بوارهدا هیچیان نییه
یۆنامی: له زیندانهكانی كوردستاندا به كێبڵو بۆری له نهوجهوانان
دهدرێت
ئۆفیسی مافی مرۆڤی یۆنامی، رهخنهی له باردودۆخی زیندانییهكانی
كوردستان گرت بهتایبهتی زیندانییه نهوجهوانهكانو ئاشكرایكرد تا
ئێستاش لێدانو ئهشكهنجهدان له زیندانهكاندا بهكاردههێنرێت.
له دواین راپۆرتی نێردهی رێكخراوی نهتهوهیهكگرتووهكان بۆ عێراق
(یۆنامی) كه بهنهێنیو دوور له چاوی میدیاكان داویهتی به حكومهتی
ههرێمی كوردستان، كۆپییهكی دهست رۆژنامه كهوتووه، راپۆرتهكه
ئهنجامی سهردانێكیانه بۆ سهنتهری ژنانو نهوجهوانانی دهۆكو
سهنتهری نهوجهوانانی ههولێرو تێیدا هاتووه: "تا ئێستاش لێدانو
ئهشكهنجهدان لهكاتی لێكۆڵینهوهدا لهلایهن دهسهڵاتدارانی
زیندانهكانهوه، بهكاردههێنرێت ".
له بهشێكی تری راپۆرتهكهدا باس لهوه دهكرێت"لهبهر بێ شوێنی،
زۆرێك له زیندانه نهوجهوانهكان له تهوالێتهكاندا دانراونو
تێكهڵكراون لهگهڵ كهسانی بهتهمهندا".
راپۆرتهكه ئاماژه بهوه دهكات "ههندێك له نهوجهوانان باس
لهوهدهكهن كه لێیان دراوه به بۆری ئاو لهناو تهوالێتداو
ههندێكیشیان باس له لێدان به كێبڵ دهكهن".
یونامی روونیكردووهتهوه "زۆرێك لهو نهوجهوانانهی كه به
شێوهیهكی توند لێیان دهدرێت ئهو كهسانهن كه تۆمهتبارن به "كاری
سێكسی ناسروشتی"و زۆربهیان له گهڕهكه ههژارنشینهكانهوه گهوره
بوونو نهخوێندهوارن، بۆیه بهرپرسانی زیندانهكان "وهك
نهوجهوانهكان باسی دهكهن، بهزۆر چهند شتێكیان پێ ئیمزاكردوون كه
نازانن چی تێدا نووسراوه، ههروهها زۆربهی زیندانییهكان بۆ
ماوهیهكی درێژخایهن گیراون بێ ئهوهی حاكم بیان بینێت".
لهراپۆرتهكهدا داوا له حكومهتی ههرێم دهكرێت "ههوڵ بدات
چارهسهرێكی باشتر بۆ بارودۆخی زیندانییه نهوجهوانهكان
بدۆزرێتهوه كه بهپێی ستانداردی جیهانی پهسهندكراوی
نهتهوهیهكگرتووهكان بۆ مافهكانی مرۆڤ بێت".
////////////////////////////////////////////////////////////////////////////////////////////////////////////
دهست بهسهر حهشارگهیهكی چهك و تهقهمهنی
حزبی شیوعیدا دهگیرێت
لهگوندی بنهبۆری سهر بهناحیهی "قۆره توو" هێزهكانی ئاسایشی
گهرمیان لهماڵێكدا حهشارگهیهكی چهك و تهقهمهنیان دۆزیهوهو
دهستیان بهسهر چهكهكانیدا گرت.
لهمبارهیهوه عهمید "محهمه كهریم" بهڕێوهبهری ئاسایشی گهرمیان
لهلێدوانێكیدا بۆ كوردستانیوز وتی "پاش ئهوهی خاوهن ماڵهكه هاتووه
ئاگاداری كردوین لهبونی حهشارگهیهكی چهك و تهقهمهنی لهنێو
ماڵهكهدا، هێزهكانی ئاسایش چونهته ماڵهكهو گهوڕێكی ئاژهڵهكانیان
ههڵداوهتهوه كهلهوێدا حهشاردراوه.
دهربارهی جۆری چهكه حهشاردراوهكانیش ناوبراو وتی " لهحهشارگهكهدا
ئێس پی جیناینێك و هاوهنێك و چوار دۆشكهی چوارونیوو حهڤده گولله
هاوهن و دوو دۆشكهی دوو نیوو قاعیدهیهكی دۆشكهو نۆزده لولهی دۆشكهو
دوانزه ئاربیجی."
عهمید محهمهد وتیشی " نوێنهری حزبی شیوعی بۆ ئهو مهسهله هاتۆته
نێو لێكۆڵینهوهكان و وتویهتی ئهو ماڵه كاتی خۆی باوكیان شیوعی بووه
بهپێی یاسای عێراقیش كهس بۆی نیه چهكی ههبێت، بۆیه ئهو چهكانهیان
شارۆدتهوه.
ڕونیشی كردهوه كه ئهو چهكانه ئێستا دهستیان بهسهردا گیراوهو
چهكهكانیش ههموو ژهنگیان كردووه هی دوای پرۆسهی ئازادی عێراقن، حزبی
شیوعی ئهتوانێت لهڕێگهی دادگاوه داوای ئهو چهكانه بكات."
////////////////////////////////////////////////////////////////////////////////////////////////////////////
كرێكارێك بهپانكهی كارگهیهكی قیر گیان
لهدهست دهدات
كرێكارێك
لهسایلۆی كارگهیهكی قیرهوه كهوته خوارهوهو بهر پانكهی
كارگهكه كهوتوو، گیانی لهدهستدا.
شاخهوان مهحمود، ئاوێنه: سهرچاوهیهكی پۆلیسی وارماوا، ئهمڕۆ
(دووشهممه) بهسایتی ئاوێنهی ڕاگهیاند، ئهو كرێكاره تهمهنی
پهنجاو پێنج ساڵه ئهمڕۆ لهكارگهی قیری ئاران لهناحیهی وارماوا،
لهكاتی كاركردنیدا له(سایلۆیهكی چهو)هوه كهوته خوارهوهو بهر
قایشو پانكهی كارگهكه كهوتو گیانی لهدهستدا.
////////////////////////////////////////////////////////////////////////////////////////////////////////////
سبهینێ خوێندكارانو مامۆستایانی تهكیه خۆپیشاندان دهكهن
خوێندكارانو مامۆستایانی تهكیه سبهی رۆژی سێشهممه خۆپیشاندانێك له
دژی كهمیی پرۆژهی خزمهتگوزارییو نهبوونی ناوهندی تایبهت به
گهنجان سازدهكهن.
لیژنهیهكی 12 كهسیی تایبهت به ئامادهكردنی خۆپیشاندانهكه له
ناحیهی تهكیه پێكهێنراوهو بڕیاره بۆ گهیاندنی داواكارییهكانیان
لهگهڵ ژمارهیهكی زۆر خوێندكارانو مامۆستایانی ناحیهكهدا له
بهردهم بهڕێوهبهرایهتی ناحیهكهدا كۆببنهوه.
یهكێك له ئهندامانی لیژنهی سهرپهرشتیاری خۆپیشاندانهكه كه
نهیویست ناوی بهێنرێت، به رۆژنامهی رۆژنامهی راگهیاندوه: بههۆی
نهبوونی كتێبخانهو ههردوو سهنتهری گهنجانو ئینتهرنێتو پاركو
چهندین پرۆژهی خزمهتگوزاریی تر له ناحیهی تهكیه، به بهشداری
ژمارهیهكی زۆر له خوێندكارانو مامۆستایانی ناحیهكه خۆپیشاندانێك بۆ
بهردهم بهڕێوهبهرایهتی ناحیهكهیان سازدهكهن.
لیژنهی سهرپهرشتیاری ئامادهكهری خۆپیشاندانهكه داوایان له
ئاسایشی ناحیهكه كردووه كه رێگهیان پێبدهن بۆ ئهنجامدانی ئهو
خۆپیشاندانه، بهڵام تا ئێستا ئاسایش رازیی بوونی خۆیان لهو
بارهیهوه رانهگهیاندووه. هاوكات بهوتهی ئهو ئهندامهی
لیژنهكه، ئامادهكاریی ههیه بۆ رێگرتن له ئهنجامدانی ههر كارێكی
پشێوینانهوه له خۆپیشاندانهكهدا.
له بهرامبهریشدا هیدایهت رهحیم، بهرپرسی ئاسایشی تهكیه، به
رۆژنامهی راگهیاندوه: وهك ئاسایش مۆڵهتیان نهداوه بهو
خۆپیشاندهرانهو مۆڵهت وهرگرتنیشیان بۆ ئهنجامدانی خۆپیشاندان لهلای
ئهوان نییه".
////////////////////////////////////////////////////////////////////////////////////////////////////////////
سهرچاوهكان
سبهی. ئاوێنه . چاودێر
هاوڵاتی
