سهرچاوهیهكی
ئاگادار ڕاگهیاند یهكێتی دوو باخهوانی بۆ ماڵهكهی تهها محێدین
مهعروفی جێگری سهدام حسهین گرتووه كهیهكێكیان ژنهكهیو دوو
مناڵی ئهنفالهو ئهویتریش برایهكی شههیدهو ماڵهكهشی بهتهنیش
ماڵی عومهر فهتاحهوهیه.
سهرچاوهیهكی ئاگادار لهلێدوانێكدا بۆ هاوڵاتی وتی" خێزانێكی پێنج
كهسی بهڕهگهز عهرهب تهها محێدین مهعروفی جێگری سهدام حوسێن
بهخێو دهكهن، كه 35 ساڵه لهگهڵیدان و سهرۆك خێزانهكه بهجلی
كوردییهوه دێته ناوبازاڕی شارۆچكهی دوكان".
ئهو سهرچاوهیه وتیشی "یهكێتی دوو باخهوانی بۆ باخهكهی
دابینكردوه، یهكێكیان ژنهكهی و دوو مناڵی ئهنفالهو ئهوی تریان
برایهكی بهدهستی ڕژێمی سهدام شههید بووه".
ئهو سهرچاوهیه ئاماژهی بۆ ئهوهكرد ئێستا ڕهوشی تهندروستی
تهها محێدین خراپه و بهدوو دارشهق دهڕوات و وتی "لهلایهن یهكێتی
یهوه پزیشك و پاسهوانی تایبهتی بۆ دانراوه، چهند جارێك تاڵهبانی
سهردانی تهها محێدینی كردووه".
سهرچاوهكهی هاوڵاتی رایگهیاند بۆ ئهوهی زانیاری لهسهر ژیانی
ناوبراو دزه نهكات بۆ راگهیاندنهكان، چوار دهوری خانوهكهی بهتهل
پهرژین كراوه و خامێكی سپی گهوره دراوه بهسهر ماڵهكهیدا.
ئهو سهرچاوهیه ئاماژهی بهوهدا كهپاسهوانهكانی ئاگادار
كراونهتهوه كهڕێگه بههیچ ڕۆژنامهنوسێك نهدرێت بۆ سهردانی كردنی
و وێنهگرتنی ماڵهكهی.
خانوهكهی تهها محێدین لهگهڕهكی بانوی هاوینهههواری دوكانه،
ماڵهكهی بهتهنیشت خانوهكهی عومهر فهتاحی جێگری سهرۆكی
حكومهتهوهیه كهبۆ حهوانهوه دێته دوكان.
////////////////////////////////////////////////////////////////////////////////////////////////////////////
شهجهریان گهیشته سلێمانی
كهمێك پێش ئێستا، هونهرمهندی بهناوبانگی فارس، محهمهد ڕهزا
شهجهریانو گروپی موزیكی ئاوا گهیشتنه شاری سلێمانی. شاخهوان
سهرچاوهیهكی ئاگادار لهناوهندی چاپهمهنیو ڕاگهیاندنی خاك بهسایتی
ئاوێنهی ڕاگهیاند كه بهڕێبهری وهفدێكی ناوهندی خاكو بهسهرپهرشتی
هونهرمهند بهرزان قادر خهڵوز، هونهرمهندی گهورهی فارس، محهمهد
ڕهزا شهجهریانو گروپی مۆزیكی ئاوا، كهمێك پێش ئێستا گهیشتنه
فڕۆكهخانهی نێودهوڵهتی سلێمانیو لهلایهن ژمارهیهكی زۆر
لههونهرمهندانو كهسایهتی بواره جیاوازهكان پێشوازی لێكراوه. ئهم
سهردانهی شهجهریان بۆ سلێمانی، لهسهر بانگهێشتی ناوهندی
چاپهمهنیو ڕاگهیاندنی خاكهو بڕیاره كۆنسێرتێكی گهورهی گۆرانی
ساز بكات.
////////////////////////////////////////////////////////////////////////////////////////////////////////////
500 دوكانی
ساردهمهنیوشهربهت لهترسی كۆلێراو سكچون ئاگاداردهكرێنهوه
ئهگهرچی ڕێژهیهكی دیاریكراوی حاڵهتهكانی
توشبون بهسكچونو كۆلێرا ڕانهگهێنراوه بهڵام مهترسی كۆلێرا
بههۆی وشكهساڵیهوه ههڕهشه لهناوچهكه دهكات.
ڕزگار عهلی لههۆبهی چاودێری تهندروستی لهكۆنگرهیهكی
ڕۆژنامهنوسیدا ڕایگهیاند" بههۆی مهترسی بڵاوبونهوهی سكچونو
پهتای كۆلێراو گرانهتا لهشاری سلێمانی 500 دوكانی شهربهتو
ساردهمهنی ئاگادار كراونهتهوه كهپابهندی ڕێنماییه
تهندروستیهكان بن لهبهكارهێنانی ئاوی لهكوڵ، ئهگهرنا ئهوا
توشی لێپرسینهوهو داخستنی دوكانهكانیان دهبن."
ناوبراو وتیشی 20ی ئهم مانگه ههڵمهتێك دهست پێدهكهین بۆ
لابردنی 200 عهرهبانهی خواردهمهنی فرۆشتنی سهربهتاڵ چونكه
مهترسی ئهوه دهكرێ وهك ساڵی پار پهتای كۆلێرا بڵاوبێتهوه.
////////////////////////////////////////////////////////////////////////////////////////////////////////////
یهكێتیو پارتی لهسهر دروستكردنی دهستهی نهزاهه ڕێكناكهون
دوای ئهوهی
سهرۆكی حكومهتی لهسهر داوای چوار حیزبهكه ڕهزامهندی پیشاندا بۆ
دامهزراندنی دهستهی نهزاهه لهههرێمو چوار حیزبهكه كاندیدهكان
پێشكهش كرد، بهڵام یهكێتی و پارتی لهسهر دروستكردنی دهستهكه
ڕێكناكهون.
سهرۆكی لیژنهی نهزاههش لهپهرلهمانی عێراق رایگهیاند
گهندهڵیهكی زۆر لهههرێمی كوردستاندا ههیه.
محهمهدی حاجی مهحمود سكرتێری حیزبی سۆسیالیست دیموكراتی كوردستان
لهلێدوانێكدا بۆ هاوڵاتی ڕایگهیاند دوای ئهوهی وهك چوار حیزبهكه
پێشنیاریان كردووهو بۆ دروستكردنی دهستهی نهزاهه لهههرێم و
سهرۆكی حكومهت ڕهزامهندی داوهو داوای لێكردون ئهوان كاندیدهكان
دیاری بكهن.
محهمهدی حاجی مهحمود وتی "دوای ئهوهی ئێمه كهسهكانمان بۆ
دیاریكرد، داومانهته حكومهت، بهڵام لهسهر ههندێك گیروگرفتی ههردوو
حیزب (یهكێتی و پارتی) رێنهكهوتنیان دواكهوتووه".
وتیشی "بۆ یهكێتی و پارتی لهسهر هیچ ڕێكهوتوون تا لهسهر نهزاهه
ڕێكهون، هێشتا سێ وهزارهته یهكی گرتووهتهوه؟"
محهمهدی حاجی مهحمود ههرچهنده ئاماژهی بۆ ئهوهكرد سهرۆكی
حكومهت و جێگرهكهی رازامهندییان دهربڕیوه، بهڵام نهیشاردهوه كه
گومانی ههیه بهرپرسانی ناو یهكێتی و پارتی و حكومهت لهپشتهوه
كار بۆ لهبار بردنی ئهو دهستهیه بكهن، لهترسی ئاشكرابوونی
گهندهڵییهكانیان.
لهلایهكی ترهوه سهباح ساعدی سهرۆكی لیژنهی نهزاهه
لهپهرلهمانی عێراق وتی "بۆیه پهرلهمان بهرپرسی یهكهمه
لهههوڵدان بۆنههێشتنی گهندهڵی ئیداری و دارایی لهههرێمی
كوردستاندا"
سهباح ساعدی وتی"گهندهڵیهكی زۆر لهههرێمی كوردستاندا ههیه و
روودانی خۆپیشاندانهكانیش لهشار و شارۆچكهكانی ههرێمی كوردستاندا
بهنموونهیهكی زیندوون بۆ بوونی گهندهڵی لهكوردستاندا
////////////////////////////////////////////////////////////////////////////////////////////////////////////
زیادهی مووچهی
فهرمانبهران تائێستا نهگهیشتۆته ههرێم
بریكاری وهزیری ههرێم بۆ كاروباری داراییو ئابووری، دڵشاد عوسمان
ڕایگهیاند "تائێستا بودجهی مووچه زیادكراوهكهی بهغدا نهگهیشتۆته
ههرێم تا بتوانین دابهشی بكهین".
سهر لهبهیانی ئهمڕۆ (پێنجشهممه) لهكۆنگرهیهكی ڕۆژنامهنووسیدا،
بریكاری وهزیری ههرێم بۆ كاروباری داراییو ئابووری ڕایگهیاند
"ئێمه لهساڵی (2004)هوه پابهندین بهسیستمی دابهشكردنی مووچه كه
لهلایهن پهرلهمانی عێراقو حكومهتی ناوهندییهوه بڕیاریان لهسهر
دابوو، بهڵام زیادهی شهش مانگی مووچه بههۆی دواكهوتنی ئهو
پارهیه لهبهغداوه جێبهجێ نهكراوه".
ناوبراو ئاماژهی بهوهدا كه بۆ ئهو مهبهسته، لهڕۆژانی ڕابردوودا
نووسراوی ڕهسمیان كردووه بۆ بهغداو بهئیجابی وهلاَمیان
دراوهتهوه، بهلاَم "تائێستا یهك دینارمان پێنهگهشتووه تا دابهشی
بكهین".
ههروهها سهبارهت بهچۆنیهتی سهرفكردنی زیادهی مووچهكهش،
بریكاری وهزیری ههرێم بۆ كاروباری داراییو ئابووری وتی "ئهگهر
ههر شهش مانگهكه بهیهكهوه هات دابهشی دهكهین، بهلاَم ئهگهر
دواكهوت ئهوا بهم شێوهیه دهبێت، زیادهی مانگی یهك لهگهڵ مانگی
حهوت و زیادهی مانگی دوو لهگهڵ مانگی ههشت دابهش دهكرێت".
ههروهها باسی لهوهكرد كه تائێستاش بههۆی زۆری ڕێژهی
فهرمانبهرانهوه نهتوانراوه سهرجهم لیستهكان ڕێكبخرێت
////////////////////////////////////////////////////////////////////////////////////////////////////////////
بۆ یهكهمین جار بینای بانك له دهربهندیخان دروست دهكرێت
بۆ
یهكهمین جار به بڕی 817 ملیۆن دینار بینایهكی تایبهت به بانك له
دهربهندیخان دروست دهكرێت.
لهمبارهیهوه حهسهن شێخانی سهرۆكی شارهوانی دهربهنیخان به
سبهی راگهیاند: لهسهر بودجهی حكومهتی ههرێمی كوردستان دوای
رهزامهندی وهزارهتی دارایی به بڕی 817 ملیۆن دینار بینایهكی
مۆدێرن بۆ یهكهمین جار له دهربهندیخان تایبهت به بانك له سهر
رووبهری 1800 مهتر دروست دهكرێت.
ناوبراو وتیشی: به پێی ئهو گرێبهستهی كه لهگهڵ كۆمپانیای( عومهر
عهبدوڵا)دا كراوه بڕیاره له ماوهی 250 رۆژدا پرۆژهكه تهواوبێت و
لهو روهوه گرفتی نهبونی بینای پێویست به بانك كۆتایی دێت
////////////////////////////////////////////////////////////////////////////////////////////////////////////
بههۆی نهبوونی كارمهندهوه چهند بهشێكی نهخۆشخانهی ژاراوه كار
ناكات
نهخۆشخانهی ژاراوه بههۆی بچوكی بینا و نهبوونی كارمهند و
كهسانی پسپۆڕ چهند بهشێكی ئهو نهخۆشخانهیه لهكار كهوتووه.
لهمبارهیهوه دكتۆر گیڤارا حهمهرهشید بهڕێوهبهری نهخۆشخانهی
ژاراوه به سبهی راگهیاند: ژمارهی كارمهندی نهخۆشخانهكهمان 13
كارمهنده، ههریهك له بهشی خۆپاراستن و سۆنهر لهبهر نهبوونی
كارمهند كار ناكهن، بهشی خۆپاراستنیش كه كاری گهڕان و پشكنینی
بازاڕه كارمهندی نییه و له قهڵادزێوه كارهكانمان بۆ دهكهن،
بهشی هێڵكاری دڵیش هیچ كارمهندێكی پسپۆڕی نییه و لهكاتی زهروردا
خۆم كارهكان ئهنجام دهدهم.
ناوبراو ئاماژهی بهوهش كرد، بینای نهخۆشخانهكهمان زۆر بچوكه و
هۆڵی منداڵ بوونی ههر نییه و چهند بهشێكی نهخۆشخانهكه له یهك
ژووردا دهوام دهكهن، وتیشی: تائێستا نهخۆشخانهكهمان كۆمپیتهری
تێدا نییه و نوسراوهكان به دهست دهنوسینهوه.
گیڤارا ئهوهشی وت: بۆ ئهوهی كێشهی كارمهندمان نهمێنێت به
نوسراوی رهسمی داوای 16 كارمهندم كردوه، بهڵام تهنها یهك
كارمهندیان بۆ ناردوین.
////////////////////////////////////////////////////////////////////////////////////////////////////////////
مهلا عوزێر ئهنفالچى بوه و پێشمهرگهی كوشتوه
ناوهندى چاك بۆ بهگژاچونهوهى جینۆسایدى گهلى كورد داواى له كهسوكارى
فوربانیان كردوه كه سكاڵا لهسهر مهلا عوزێر تۆمار بكهن..
له
راگهیاندنێك دا كه له مالپهرى خۆى بڵاوى كردۆتهوه، ناوهندى چاك
رایگهیاندوه مهلا عوزێر یهكێكه لهو جاشانهى دهستى ههبوه له
كوشتنى دهیان پێشمهرگه و بهشداریش بوه له تاوانى ئهنفال دا .
داواشی كردوه گشت كهسوكارى قوربانیان سكاڵا لهسهر مهلا عوزێر تۆمار
بكهن و ئاراستهى ناوهندى چاكى بكهن تا بگهیهنرێته دادگاى ئهوروپى و
عراقى تا ئهو تاوانباره سزاى رهواى خۆى وهربگرێت.
ناوهندى چاك ئهم ئیمهیلهشى بڵاو كردۆتهوه بۆ ئهوهى داواكانیان
ئاراسته بكرێت:
Chak_org@yahoo.com
////////////////////////////////////////////////////////////////////////////////////////////////////////////
سهرچاوهكان
سبهی. ئاوێنه . چاودێر
هاوڵاتی
