كهركوك و رێژهى ژنان بونهته رێگرى
ههلبژاردن
ئهمرۆ پارلهمانى عێراق بۆ بریاردانى كۆتایى
كۆدهبێتهوه
هاوپهیمانى كوردستان پێى ئاساییه ههلبژاردن له كهركوك دوابخرێت
به
مهبهستى بریاردان لهسهر ههلبژاردنى ئهنجومهنى پارێزگاكان و دهنگدان
لهسهر یاساى ههلبژاردنى ئهنجومهنى پارێزگاكان ، رۆژى سێ شهممه
پارلهمانى عراق كۆدهبێتهوه .
لهو بارهیهوه خاتوو لهیلا خهفاجى ئهندامى لیستى ئیئتلاف راگهیاند:
ئهگهرى زۆر
ههیه كه بریار لهسهر دواخستنى ههلبژاردنهكان بدرێت به هۆى ئهوهى
تا ئێستا رێكهوتن لهسهر یاساى ههلبژاردن نهكراوه .
خاتوو لهیلا وتیشى ههندێك مهسهله تا ئێستا بونهته كۆسپ و لهوانه
نی یه كه له كاتى دهنگدان كۆدهنگى لهسهر دروست ببێت به تایبهت
دۆسهى كهركوك و نوێنهرایهتى ژنان كه یهكهمیان سیاسى یه و
دوهمیشیان كه تایبهته به ژنان نهتهوه یهكگرتوهكان پێى باشه
كۆتاى ژنان دابنرێتهوه .
هاوكات لیستى هاوپهیمانى كوردستان تهئكیدى كردهوه كه ئاسایى یه بریار
لهسهر دواخستنى ههلبژاردنهكان بدرێت له كهركوك .
لهو بارهیهوه دكتۆر مهحمود عوسمان ئهندامى لیستى هاوپهیمانى
كوردستان رایگهیاند ئهگهر بریار لهسهر دواخستنى ههلبژاردن له
كهركوك بدرێت به مهرجێك قبوله كه ئهنجومهنى ئێستا تا ههلبژاردنى
داهاتوو بهردهوام بێت لهسهر كارهكانى .
////////////////////////////////////////////////////////////////////////////////////////////////////////////
عهلی ئیرتان تۆبراك: پێویسته ئهڵمانیا ههوڵی چارهسهركردنی ساسیانهی
كێشهی كورد بدات
لۆبی
عهلهوییهكان له ئهڵمانیا داوایان له حكومهتی ئهو وڵاته كرد رۆڵی
بهرچاو بگێڕێت بۆ چارهسهری كێشهی كورد به شێوهیهكی سیاسی و دوور له
گرتنهبهری هێزی سهربازی و گهلی كوردیشی له توركیا به هاوشێوهی
تبتییهكانی ههرێمی تبتیان وهسفكرد.
عهلی ئیرتان تۆبراك سكرتێری گشتی لۆبی عهلهوییهكان له ئهڵمانیا له
وتهیهكیدا له شاری كیولن رایگهیاند: گهلی كورد له توركیا وهك گهلی
تبتییهكان وان و پێویستیشه ئهڵمانیا ههوڵی چارهسهركردنی كێشهكهیان
بدات به رێگهی سیاسی.
تۆبراك وتیشی: "ههروهك چۆن حكومهتی فیدراڵی ئهڵمانیا ههڵوێستێكی
شهرهفمهندانه و ئیجابی بهرامبهر به كێشهی ههرێمی تبت و وڵاتی چین
ههیه، پێویسته بهرامبهر به كوردهكان له توركیا ههمان ههڵویستی
ههبێت".
ههروهها داواشی له پارتی كرێكارانی كوردستان "پهكهكه" كرد بهزوویی
ئهو سێ ئهڵمانییه ئازادبكات كه فراندونی و وتیشی: "ئهلمانیا دژایهتی
كورد ناكات و ئیستاش حكومهتی بهرلین داڵدهی ههزاران كوردی داوه كه
لزوڵم و ستهمی توركیا ههڵاتون".
جێی باسه بهپێی وتهی ئاژانسی ههواڵی سویسرا ئێستا له ئهڵمانیا
نزیكهی ههشت سهد ههزار كورد ههن و لهناو ئهوانیشدا بهدهیان
ههزاریان سهر به مهزههبی عهلهوین.
////////////////////////////////////////////////////////////////////////////////////////////////////////////
له ههكاری دوو ئۆتۆمبێلی سهربازی سووتێنران
له
شاری ههكاری و له چالاكییهكی گهریلاكانی پهكهكهدا دوو
ئۆتۆمبێلی سهربازیی سوپای توركیا سووتێنران كه شتومهكی سهربازییان
تێدابوو.
ئاژانسی ههواڵی فورات بڵاویكردهوه كه چهند گهریلایهكی پهكهكه
له گوندی قامیشلی سهر به شارۆچكهی یوكسێكۆڤای شاری ههكاری، دوو
ئۆتۆمبێلی سهربازییان سووتاندووه كه كهلوپهلی گرنگ و خۆراكی سوپای
توركیای تێدابووه
////////////////////////////////////////////////////////////////////////////////////////////////////////////
دیمستۆرا لهگهڵ سهرۆكى حكومهت كۆبۆوه
لهچوارچێوهی
سهردانهكهیدا بۆ ههرێمی كوردستان، ستیڤان دیمهستۆرا نوێنهری
نهتهوه یهكگرتووهكان لهعیراق لهشاری ههولێر چاوی كهوت بهنێچیرڤان
بارزانی سهرۆكی حكومهتی ههرێمی كوردستان..
له و دیداره گفتوگۆ كرا لهسهر ناوهرۆكی راپۆرتی یهكهمی دیمهستۆرا
سهبارهت بهچارهسهركردنی ئهو ناوچانهی كێشهیان لهسهرهو
قۆناغهكانی داهاتووی راسپاردهكان .
ههر لهدیدارهكهدا نێچیرڤان بارزانی دیدو بۆچوونی خۆی سهبارهت
بهڕاپۆرتهكهی دیمهستۆرا راگهیاندو رهخنهكانی خهڵكی كوردستانی لهو
بارهیهوه بهدیمهستۆرا گهیاند و تهئكیدیشیكردهوه كهماددهی 140 بۆ
بهدیهێنانی دادوهریی و گێڕانهوهی ماف بۆ خاوهنهكانی دانراوه، هاوكات
دیدی حكومهتی ههرێمیشی سهبارهت بهماددهی 140 روونكردهوهو وتى
حكومهتی ههرێم داوادهكات كێشهی ناوچه دابڕواهكان بهشێوهیهكی
ئاشتیی و بهپێی دهستوور دیاریبكرێن.
دیمهستۆرا تهئكیدیكردهوه كهسوود لهو راوێژانه وهردهگرێت
كهسهركرده كوردهكان سهبارهت بهراپۆرتی یهكهمی پێشكهشیان كردووهو
بهڵێنیشیدا كهههندێك ههمواركردن لهراپۆرتی دووهمیدا بكات
////////////////////////////////////////////////////////////////////////////////////////////////////////////
مهسعود بارزانی: ماددهی 140 گهیشتۆته قۆناغێكی زۆر ههستیار و تهنها
پهیوهندی به لایهنێكهوه نییه
مهسعود بارزانی سهرۆكی هه رێمی كوردستان تهئكیدی لهوه كردهوه كه
ستیڤن دیمستۆرا نوێنهری سكرتێری گشتی نهتهوه یهكگرتووهكان له عیراق
بهڵێنی ئهوهی داوه كه له دووهم و سێیهم شیكردنهوهیدا سهبارهت
به چارهنووسی كهركوك و ناوچه هاوشێوهكانی ئهو ههڵانه دووباره
نابنهوه كه له یهكهم شیكردنهوهیدا ههبوون و راشیگهیاند كه
"ماددهی 140 گهیشتۆته قۆناغێكی زۆر ههستیار".
له كۆبوونهوهیهكیدا لهگهڵ حزب و لایهنه سیاسییهكانی ههرێمی
كوردستان كه ئهمڕۆ دووشهممه له سهڵاحهدین بهڕێوهچوو، مهسعود
بارزانی سهرۆكی ههرێمی كوردستان رایگهیاند: "ماددهی 140 گهیشتۆته
قۆناغێكی زۆر ههستیار و پێویسته وهك حزب و لایهنی سیاسی كوردی و
توركمانی و ئاشووری ههڵوێستێكی یهكگرتوومان له بهرامبهریدا ههبێت".
بارزانی وتیشی: "ماددهی 140 مهسهلهیهكه تهنها پهیوهندی به
لایهنێكهوه نییه، بهڵكو پهیوهندی به گشت لایهن و گهلی
كوردستانهوه ههیه" و داواشی له لایهنه سیاسییهكانی ئامادهبووی
كۆبوونهوهكه كرد كه پشتگیرییهكی تهواو لهو لێژنهیه بكهن كه بۆ
جێبهجێكردنی ماددهی 140 له ههرێمی كوردستاندا بڕیاری پێكهێنانی دراوه.
بهپێی بهیاننامهیهكی سهرۆكایهتی ههرێمی كوردستان، له
كۆبوونهوهكهد بارزانی دهربارهی یهكهم شیكردنهوهی نهتهوه
یهكگرتووهكان دوا و ئاماژهشی بهو ههڵانه كرد كه له یهكهم
شیكردنهوهكهدا هاتوون و هیوای خواست كه ئهو ههڵانه له دووهم و
سێیهم شیكردنهوهدا دووباره نهبنهوه و تهئكیدیشی لهوهكردهوه كه
"نوێنهری سكرتێری گشتی نهتهوه یهكگرتووهكان بهڵێنی ئهوهی داوه
كه له دووهم و سێیهم شیكردنهوهدا ئهو ههڵانه دووباره نابنهوه و
زیاتر واقعیانهتر بن".
////////////////////////////////////////////////////////////////////////////////////////////////////////////
سهرچاوهكان
سبهی. ئاوێنه . چاودێر
هاوڵاتی
