سهر
له ئێوارهی دوێنێ ژنێكی تهمهن 20 ساڵ خۆی له شارۆچكهی سیدهكان
بههۆی كێشهیهكی كۆمهڵایهتیتهوه خۆی سوتاند، دوای ئهوهی
گهێندرایه نهخۆشخانهی سۆرانی گشتی لهبهر سهختی سوتانهكهی
رهوانهی ئێمێرجنسی ههولێر كرا.
لهمبارهیهوه سهرچاوهیهك له نهخۆشخانهی سۆران به سبهی
راگهیاند: "سهر له ئێوارهی دوێنێ ژنێكی تهمهن 20 ساڵ به ناوی
(ت، ح) كه بههۆی كێشهیهكی كۆمهڵایهتییهوه خۆی سوتاند بوو
هێنرایه نهخۆشخانهكهی ئێمه، ئێمهش چارهسهری سهرهتایمان بۆ
نهخۆشهكه كرد، بهڵام بههۆی زۆری رێژهی سوتانی ژنهكه كه به
رێژهی 80% بوو رهوانهی ئێمێرجنسی ههولێرمان كرد
/////////////////////////////////////////////////////////////////////////////////////////////////////////
له
مانگى ئهیلول دهستورى ههرێم له پارلهمان تاوتوێ دهكرێت
تاریق جامباز ئهندانى پارلهمانى كوردستان و سهرۆكى لیژنهى دارشتنى
دهستورى ههرێم ئاشكراى كرد له خولى نوێى یاسادانانى پارلهمان دا كه
له مانگى ئهیلول دا دهست پێ دهكات گفتوگۆ لهسهر رهشنوسى دهستورى
ههرێم دهكرێت..
تاریق جامباز له لێدوانیچكى بۆ نیوزماتیك وتى كاركردن له دانانى رهشنوشى
تهواوى دهستور كۆتایى هاتوه لهلایهن لیژنهى دهستورى یهوه كه
له(18) ئهندام پێكهاتون و تا ئێستا (1320) پێشنیازى پێگهیشتوه بۆ
دارشتنى دهستور لهلایهن رێكخراوهكان و كهسایهتى یهكانهوه.
وتیشى له دارشتنى رهشنوسى دهستور دا پشتیش بهستراوه به دهستورى (50)
دهولهتى فره نهتهوه و زمان بۆ ئهوهى ببێته جێگهى خواستى خهلكى
كوردستان و پێچهوانهى دهستورى عراقیش نهبێت .
تارق جامباز ئهوهشى راگهیاند كه دهستورى ههرێم له دهستورى عراق
رونتر دهبێـ له روى دیارى كردنى مافى كهمه نهتهوایهتى و ئایینیهكان
.
دهستورى ههرێم له(7) بابى جیاجیا و (160) ماده پێكهاتوه و بۆ یهكهم
جار له ساڵى (2002) پێشنیاز كراو لهو كاتهوه سهرقاڵى دارشتنهوهى
ئهو رهشنوسهن .
////////////////////////////////////////////////////////////////////////////////////////////////////////////
ئهمریكا كامپێكى نهێنى له شارى ههولێر بۆ
موجاهیدین دهكاتهوه
سوپاى ئهمریكا به شێوهیهكى نهێنى كامپێكى بۆ چهكدارانى پێشووى
رێكخراوى موجاهیدینى خهلق ى ئێران له نزیك شارى ههولێر كردۆتهوه و
ئێستا نزیكهى (400) چهكدارى پێشووى موجاهیدین لهو كامپهدا دهژین.
به پێى سایتى رێنسانس ئهو كامپه ئهمریكا له نزیك ههولێر
كردویهتیهوه و ئاسایش و دهزگاى پۆلیس چاودێرى دهكهن و ئهوانهشى كه
تیایدا جێیگیر كراون ئێستا پهیوهندیان به موجاهیدینهوه نهماوه .
سایتهكه له زارى بهرپرسی پهیوهندیهكانى موجاهیدینى خهلقهوه
رایگهیاندوه ئهو كهسانه له موجاهیدین جیابونهتهوه و ئێستا
ئهمریكا بهكاریان دههێنێت بۆ كۆكردنهوهى زانیارى لهسهر ئێران و
ئۆپۆزسیۆنى ئێران .
////////////////////////////////////////////////////////////////////////////////////////////////////////////
له بهرلین كوردهكان دژی ئهڵمانیا خۆپیشاندانیان كرد
له شاری بهرلینی پایتهختی ئهڵمانیا دهیان كورد دژی
حكومهتی ئهو وڵاته خۆپیشاندانیان كرد ، دوای ئهوهی ههندێك
چالاكیی كورد لهو وڵاته و كهناڵی (رۆژ تی ڤی)ی قهدهغهكرد
و وهزارهتی دهرهوهش داواكانی پهكهكه بهرامبهر
ئازادكردنی 3 گهشتیارهكه رهتدهكاتهوه.
دوای ئهوهی له ئهڵمانیا و لهلایهن حكومهتی بهرلینهوه،
كهناڵی رۆژتی ڤی و ههندێك چالاكیی پهكهكه لهسهر داوای
توركیا لهو وڵاته قهدهغهكرا، ئێوارهی دوێنێ پێنجشهمه
دهیان كورد له بهرلین دژی ئهو ههنگاوهی حكومهتی
ئهڵمانیا خۆپیشاندانیان كرد.
وهك وهڵامێكیش بۆ ئهو ههنگاوهی حكومهتی بهرلین، پهكهكه
3 گهشتیاری ئهڵمانی رفاندو له بهرامبهر ئازادكردنیاندا،
داوادهكات رێگه بدرێت به كاركردنی كهناڵی رۆژ تی ڤی و
چالاكییهكانیان له ئهڵمانیا و فرانك واڵتهر شتانمایهر
وهزیری دهرهوهی ئهڵمانیا ئهو داوایانهی پهكهكهی
رهتكردهوه و داوای ئازادكردنی 3 گهشتیارهكهی كرد.
لای خۆشیهوه ئهمینه ئاینا جێگری سهرۆكی پارتی كۆمهڵگهی
دیموكراتی (دهتهپه) رایگهیاند كه پارتهكهی ئامادهیه له
رێگهی ئهوهوه ئهو 3 گهشتیاره ئازادبكهن، گهر حكومهتی
ئهڵمانیا بیهوێت و تا ئێستاش حكومهتی بهرلین هیچ وهڵامێكی
دهتهپهی نهداوهتهوه.
////////////////////////////////////////////////////////////////////////////////////////////////////////////
درهنگانێكی شهو ئاسایش ههڵدهكوتێتهسهر خوێندكاره مانگرتووهكان
بۆ جارێكی تر
شهوی رابردوو هێزهكانی ئاسایشی شاری سلێمانی ویستیان بهردهم
سهرۆكایهتی زانكۆی سلێمانی به خوێندكاره مانگرتووهكانی كۆمپیوتهر
چۆڵبكهن، دوای وێنهگرتنی رووداوهكه لهلایهن پهیامنێرهكهی
هاوڵاتییهوه سهرجهم وێنهكانیان كوژاندهوهو ههڕهشیان
لهپهیامنێرهكه كرد.
یهكێك له خوێندكارهكان كه نهیویست ناوی خۆی بڵێ لهلێدوانێكدا بۆ
سایتی هاوڵاتی وتی "دوای ئهوهی لهرێگهی ژمارهیهكی
تهلهفۆنهوه پێمان راگهیهنرا كه ههردهبێ ئهمشهو ئهو شوێنه
جێبهێڵن، ئێمهش زۆربهمان كهسوكارمان ئاگارداركردهوه كه دهبێ
ئهوانیش ئهشهو لهگهڵماندا بن".
ئهوهشی وت به درێژایی شهوی رابردوو كهسوكاریان لهگهڵیاندا
ماونهتهوه.
هێزهكهی ئاسایش ئۆتۆمبیلی تایبهت به ئاگركوژاندنهوهیان
لهگهڵدابوو، بڕیاربوو به پێداكردنی ئاو وایانلێبكرێ بهردهم
سهرۆكایهتی زانكۆ جێبهێڵن. دوای مانهوهی هێزهكه بۆ ماوهیهك به
بێ جێبهجێكردنی بڕیارهكه خوێندكارهكانیان بهجێهێشت.
لهگهڵ گهشتنی هێزهكهی ئاسایش به لای خوێندكاره مانگرتووهكان
تهنها زومی كامێراكهی هاوڵاتی بوو ویستی به چهند وێنهیهك
رووداوهكه بۆ خوێنهر بگوازێتهوه، بهڵام هێزهكهی ئاسایش سهرجهم
وێنهی كامێركهیان كوژاندهوهو، ههڕهشهی ئهوهیانكرد ئهگهر زوو
ئهو دهورووبهره جێنههێڵێت دهست بهسهر كامێراكهیدا دهگرن.
خوێندكارهكان زیاد لهجارێك تهلهفونیان بۆ هاوڵاتی كردووه كه
گومانیان ههیه ئهمشهویش دووباره لهدرهنگانێكی شهودا هێزهكانی
ئاسایش ههڵبكوتنه سهریان و داوایان لهرۆژنامهنوسان كرد شهو ئامادهبن
لهبهردهم سهرۆكایهتی زانكۆ.
////////////////////////////////////////////////////////////////////////////////////////////////////////////
10گهریلای پهكهكه له شرناخ كوژران
ئاژانسی ههواڵی فورات بڵاویكردهوه، كه له ههڵمهتێكی هێزهكانی
سوپای توركیا و له ناوچه دهشتایی و سنوورییهكانی شاری شرناخ،
پێكدادانێكی توند لهنێوان سوپای توركیا و گهریلاكانی پهكهكه
روویداوه و به لایهنی كهمهوه پارێزهرێكی گوند و 10گهریلا گیانیان
لهدهستداوه.
ئاژانسهكه ئاماژهی بهوهدا كه تا ئێستا رێژهی كوژراوانی
پێكدادانهكه به تهواوی ئاشكرا نهكراوه و پهكهكهش هیچ
بهیاننامهیهكی لهو بارهیهوه بڵاونهكردووهتهوه.
لهلایهكی ترهوه، پێگهی رۆژنامهی زهمانی توركی بلاویكردهوه
"لهئهنجامی تهقینهوهی مینێكدا پێنج سهربازی توركو پاسهوانێكی
گوند لهشارۆچكهی شهمدینلی پارێزگاری ههكاری برینداربوون".
بهگوێرهی سایتهكه، شهوی رابردوو لهكاتی ههڵمهتێكی كێوماڵكردن
مینێك بهسهربازهكاندا تهقیوهتهوه
////////////////////////////////////////////////////////////////////////////////////////////////////////////
ئهڵمانیا داواكهی
پهكهكهی رهتكردهوه
وهزیری دهرهوهی ئهڵمانیا رایگهیاند "ئهو داخوازیو
مهرجانهی پهكهكه قبوڵ ناكهین كه بۆ ئازادكردنی سێ گهشتیاره
ئهڵمانییهكه لهئێمهی دهكات".
وهزیری دهرهوهی ئهڵمانیا فرانك والتهر رایگهیاند كه "ئهوان
داخوازییهكهی پهكهكه بهوهی ئهڵمانیا سیاسهتی بهرامبهر
بهپهكهكه بگۆڕێت، لهبهرامبهر ئازادكردنی ئهو سێ گهشتیاره
ئهڵمانیاییهی لهچیای ئاگرین رفاندویانه، رهتدهكهنهوه".
هاوكات ههڤسهرۆكی پارتی كۆمهڵگای دیموكراتی DTP ئامینه ئاینا
رایگهیاند "كه ئهگهر لهلایهن حكومهتی ئهڵمانیاوه داوایان
لێبكرێت، ئامادهن لهم مهسهلهیهدا ناوبژیوانی بكهن".
چوارشهممهی رابردوو، پهكهكه سێ گهشتیاری لهچیای ئاگرینی نزیك
لهسنووری ئهرمینیا رفاندو لهبهرامبهر ئازادكردنیاندا داوا
لهئهڵمانیا دهكات سیاسهتی خۆی بهرامبهر بهپهكهكه بگۆڕن، كه
له1993هوه دهوڵهتی ئهڵمانیا چالاكییهكانی پهكهكهی لهو
وڵاتهدا قهدهغه كردووهو له1998یشهوه پهكهكهی خستووهته لیستی
تیرۆرهوه، ئهمه جگه لهوهی چهندین ئهندامو بهرپرسی پهكهكهی
لهئهڵمانیا دهستگیر كردووه
////////////////////////////////////////////////////////////////////////////////////////////////////////////
سهرچاوهكان
سبهی. ئاوێنه . چاودێر
هاوڵاتی
