فهرماندهیی گهریلاكانی پهكهكه،
بهرپرسیارێتی خۆی لهرفاندنی سێ ئهڵمانی راگهیاندو دهڵێت "ئهگهر
ئهڵمانیا سیاسهتی خۆی بهرامبهر بهپهكهكه نهگۆڕێت، ئازاد
ناكرێن".
فهرماندهیی پهكهكه HPG، لێدوانێكی سهبارهت بهرفاندنی ئهو سێ
ئهڵمانییه بڵاوكردهوه كه دوێنێ (چوارشهممه) لهچیای ئاگرینی سهر
سنووری ئهرمینیا رفێنران.
پهكهكه ئهوهی راگهیاند كه سێ ئهڵمانییهكه لهلایهن هێزهكانی
ئهوانهوه دهستگیركراونو رهوشی تهندروستیان باشهو لهپێناو
پاراستنی گیانو ئازادكردنیشیاندا داوا لهدهوڵهتی تورك دهكهن كه
ئۆپهراسیۆنهكانی خۆی رابگرێتو دهڵێت "دهبێت ئهوهش بزانن كه ههتا
دهوڵهتی ئهڵمانیا دهست لهسیاسهتی چهوتی خۆی بهرامبهر
بهپهكهكهو گهلی كورد بهرنهدات، ئێمه ئهوان ئازاد ناكهین
/////////////////////////////////////////////////////////////////////////////////////////////////////////
دیمستورا: دهكرێت چاو بهخاڵهكانی بهشی یهكهمی پێشنیازهكاندا
بخشێنرێتهوه
ستیفان
دیمستورای نێردهی تایبهتی سكرتێری گشتیی نهتهوه یهكگرتووهكان
لهعێراق رایگهیاند: بهشی یهكهمی پێشنیازهكان لهبارهی
چارهسهری ناوچهی جێ ناكۆكهكان رهخنهی زۆری هێنایه ئاراوه،
ئهوهشمان قبووڵهو دهكرێت زۆرێك لهخاڵهكان دهستكاری بكرێن.
دوای كۆبوونهوهی لهگهڵ سهرۆكایهتی پهرلهمانی كورردستان،
ئهمڕۆ لهكۆنگرهیهكی رۆژنامهنووسی هاوبهشدا، دیمستورا وتیشی:
نهتهوه یهكگرتووهكان ئامادهیه لهرووی تهكنییكیهوه هاوكاری
پێشكهش بكات، بۆدۆزینهوهی هاوكێشهیهك یا رێگه چارهیهك بۆ
مامهڵهكردن لهگهڵ ئهو ناوچانهی كه ململانێیان لهسهره، ئهمهش
پهیوهندی بهماددهی 140ی دهستووری عیراقهوه ههیهو لهرێگهی بریاری
1770ئهنجومهنی ئاسایش نوێنهری تایبهتی سكرتێری گشتی نهتهوه
یهكگرتووهكان دهسهڵات وئهركی ئهوهی ههیه كه بهشداری بكات
لهدۆزینهوهی رێگهچارهی سیاسی بۆ ئهو ناوچه جێململانێیانه.
ههر لهكۆنگره رۆژنامهنووسییهكهدا، عهدنان موفتی سهرۆكی
پهرلهمانی كوردستان وتی: لهبهشی یهكهمی پێشنیازهكانیدا،
دیمستورا سێ پێكهاتهی سهرهكی كه بریتین له(شهبهك وئێزیدی
وكاكهییهكان) لهگهلی كوردستان دابریووه، بهپێی ئهو راپۆرته
دهردهكهوێت كه ئهوانه بهشێك نین لهگهلی كوردستان لهكاتێكدا
ئهوان بهشێكی گرنگی گهلی كوردن، بۆیه نیگهرانی خۆمان لهسهر ئهو
مهسهلهیه نیشانداوه.
وتیشی: ئهمڕۆ لهكۆبوونهوهكهماندا روومانكردهوه كه بهپێی
دهستوور ئاكرێ یهكلایی كراوهتهوهو سهر بهههرێمی كوردستانهو
بۆچوونی خۆشمان سهبارهت بهناوچهكانی حهمدانییه و قهراجهوه
خستوهتهڕوو.
ههر سهبارهت به بهشی یهكهمی پێشنیازهكان، كهمال كهركوكی جێگری
سهرۆكی پهرلهمان وتی: خهڵكی مهندهلی لهلایهن رژێمی پێشوو
جینۆسایدو دهربهدهركراون و لهههڵبژاردنهكانی 2005دا بههۆی ئهوهی
كورد نهیتوانیووه بگهرێتهوه، ههڵبژاردنی 2005 بۆ دیاریكردنی
ئایندهی شارۆچكهكه به ئیعتیبار وهرگیراوه لهكاتێكدا
لهههڵبژاردنهكانی 2005دا لیستی هاوپهیمانی رێژهی 71% له ناوچهی
قهراج بهدهست هێناوه بهڵام رهچاو نهكراوه بهڵكو بهپێچهوانهوه
دیمستورا داوای جیاكردنهوهی دهكات.
كهركوكی وتیشی: بهرامبهر پێشنیازهكانی دیمستوراو لیژنهی
بهدواداچوونی جێبهجێكردنی مادهی 140 یش گهشبین نیینو دهمانهوێت
ههڵهكان چاك بكرێنهوه، بهپێچهوانهوه ئهوا پهرلهمانی كوردستان
كه نوێنهری خهل كی كوردستانه ناچار دهبێت كهئهو پێشنیازانه
قهبوڵ نهكات
////////////////////////////////////////////////////////////////////////////////////////////////////////////
ۆركشۆپێك بۆ هێزهكانی پۆلیسو ئاسایش
دهكرێتهوه
بۆ باشتر مامهڵهكردن لهگهڵ تۆمهتبارانو
دهستگیركراوهكاندا، یهكێتی مافپهروهرانی كوردستان،
بههاوكاری بهڕێوهبهرایهتی مافی مرۆڤ، ۆركشۆپێكی یهك
ههفتهیی بۆ هێزهكانی پۆلیسو ئاسایشی شارهزوور دهكاتهوه.
ههڵهبجهی شههید، ئاوێنه: بهرپرسی لقی شارهزووری
یهكێتی مافپهروهرانی كوردستان، جهمیل جهمال، ئهمڕۆ
(پێنجشهممه) بهسایتی ئاوێنهی ڕاگهیاند كه ئهوان
بههاوكاری بهڕێوهبهرایهتی مافی مرۆڤی شارهزوور،
ۆركشۆپێكیان بۆ هێزهكانی پۆلیسو ئاسایشی
بهڕێوهبهرایهتییهكانی (ههڵهبجهو سهیدسادقو سیروانو
شارهزوورو خورماڵو تهوێڵهو بیاره) كردۆتهوه.
ناوبراو ئامانجی ۆركشۆپهكهی بۆ بهمهبهستی دروستكردنی
مامهڵهیهكی باشو یاساییو مافپهروهرانه گهڕاندهوه كه
هێزهكانی پۆلیسو ئاسایش لهگهڵ تۆمهتباران لهكاتی
دهستگیركردنیانداو ڕووبهڕووبونهوهیان لهگهڵ خۆپیشاندهران
بهشێوهیهكی مهدهنیانه ئهنجامی بدهن.
ئهم ۆركشۆپه لهدوێنێ 9/7هوه لهشارۆچكهی سهیدسادق
دهستیپێكردووهو بڕیار وایه ماوهی ههفتهیهك بخایهنێت
////////////////////////////////////////////////////////////////////////////////////////////////////////////
عیرفانی مهلا عهلی دهنگی یهكهمی كۆنگرهی بزووتنهوهی
ئیسلامی بهدهستهێنا
لهكهشوههوایهكی ئارامدا لههۆڵی نۆبڵی شاری سلێمانی
كۆنگرهی نۆیهمی بزووتنهوهی ئیسلامی بهبهشداری 580
ئهندام لهسهعاتی 8ی رۆژی پێنجشهممه دهستیپێكردو
لهسهعات6ی ئێوارهی ههمان رۆژ، ههڵبژاردنی ئهندامانی
نوێی شورا بهچاودێریی دوو دادوهر بهڕێوهچوو 21 ئهندام
ههڵبژێدران.
لهههڵبژاردنهكهدا عیرفانی مهلاعهلی دهنگی یهكهمو
مهلا محهمهد بازیانی دهنگی دووهمو مونیرهی مهلا عهلی
دهنگی سێیهمیان بهدهستهێنا.
مونیره عهبدولعهزیز كچی مهلاعهلی عهبدولعهزیزی رابهری
كۆچكردووی بزووتنهوه بهسبهی وت: "21 ئهندام بۆ شورای نوێ
ههڵبژێدراونو كۆمهڵێكی تازه هاتوونهته پێشهوهو
مهمحهمهد بازیانی وهزیری كشتوكاڵ لهكابینهكهی یهكێتیی
لهساڵانی 1996 بۆ 1998 گهڕاوهتهوه بۆ ناو بزووتنهوه".
وتیشی: "عیرفانی كوڕی مهلاعهلی دهنگی یهكهمو مهلا
محهمهد بازیانی دهنگی دوهمو خۆی (مونیره) دهنگی
سێیهمیان بهدهستهێناوه".
ئاشكراشیكرد: ئهمڕۆ ههیینی پشوو دهدهنو رۆژی شهممهی
داهاتوو كۆنووسی كۆنگرهكه بڵاودهكهینهوه.
بڕیاره دواتر شورا كۆببێتهوهو رابهری نوێ دهستنیشان بكات.
جێی ئاماژهیه، پێشتر راگهیهنرا كه كامیلی حاجیعهلی
دهكرێته رابهر، بهڵام بهگوێرهی ئهنجامی ههڵبژاردنهكه
پێدهچێت عیرفانی مهلا عهلی جێی باوكی بگرێتهوه كه له
17/3/2007 بهنهخۆشی لهوڵاتی بهریتانیا كۆچی دواییكرد.
////////////////////////////////////////////////////////////////////////////////////////////////////////////
عێراق و توركیا لهسهر كۆنترۆڵكردنی سنورهكان ڕێكهوتن
ههردوو حكومهتی
عێراق و توركیا لهسهر كۆنترۆڵكردنی سنورهكانی ههردوو وڵات و
ڕێگهگرتن لهدزهكردنی "تیرۆرستان" و ڕێزگرتن لهسنوری ههردوو لا
ڕێكهوتن.
بهپێی ئهو ڕێكهوتنهی كه لهنێ,ان نوری مالكی سهرۆك وهزیرانی
عێراق و ڕهجهب تهیب ئهردۆگانی سهرۆك وهزیرانی توركیا ئیمزاكراون
ههردوو وڵات ڕێكهوتوون لهسهر: " رێزگرتن لهئاسایشی زهمینی
ههردوو وڵات لهیهكتر، پشتگیركردنی ههوڵه هاوبهشهكان لهپێناو
بهرگرتن لهدزهكردنی تیرۆریستانو چهكی ناقانونی له
عێراقهوهو لهتوركیاوه بۆ عێراقو جهختكردنهوه لهسهر بایهخی
بههێزكردنی هاریكاری نێوانیان بۆ كۆنترۆڵكردنی سنووری هاوبهشو
رێگرتن لهههموو جۆره گواستنهوهیهكی یاساغ، لهوانه پشتیوانی
داراییو لۆجیستیو ههموو جۆره پشتیوانییهكی تری تیرۆریستانو
رێكخراوه تیرۆریستییهكانو رهتكردنهوهی بهكارهێنانی زمانی
هاندانی توندوتیژیو تیرۆر".
لهخاڵێكی تری ڕێكهوتنهكهدا هاتووه " پابهندبوون بهپرهنسیپهكانی
پهیماننامهی نهتهوهیهكگرتووهكان لهڕێزگرتن لهسنووری
نێودهوڵهتی دانپیانراو، بهڵێندان بهپرهنسیپی دهستوهرنهدان
لهكاروباری ناوخۆیی".
ئهمه لهكاتێكدایه توركیا ناو بهناو و بهشێوهیهكی نیمچه
بهردهوام سنورهكانی عێراق لهههرێمی كوردستان بۆردومان دهكات.
////////////////////////////////////////////////////////////////////////////////////////////////////////////
پژاك دهستگیركردنی فهرماندهیهكی ڕهتدهكاتهوه
ناوهندی
ڕاگهیاندن و چاپهمهنی پارتی ژیانی ئازادی كوردستان ئهو ههاڵهی
ڕهتكردهوه كه میدیاكانی ئێران بڵاویانكردهوهو سهبارهت بهوهی
كهفهرماندهیهكی پژاك بهدیل گیراوه.
لهڕونكردنهوهكهی پارتی ژیانی ئازادی كوردستان دا هاتووه "ئهو
جۆره ههواڵانه زۆر ناڕاستن".
پژاك ڕایدهگهیهنێت "بڵاوكردنهوهی ئهو جۆره ههوالاَنه دوای ئهم
چالاكیانه دێت لهتۆڵهی گیان لهدهستدانی دوو گهریلا دێت، كه
گهریلاكان 11 پاسداریان كوشت".
////////////////////////////////////////////////////////////////////////////////////////////////////////////
پێنجوێن: ژمارهیهك تیرۆرست دهكوژرێن
دوێنێ
ژمارهیهك له تیرۆریستانى ئهنسارولئیسلام له ناوچهى پێنجوێن ویستیان
دزه بكهنه ناو ههرێمى كوردستان بهڵام هێزهكانى پاسهوانى سنور
روبهرویان بونهوه و له دواى شهرێكى یهك سهعاتى ئهو تیرۆریستانه
بهرهو مۆلگهكانى خۆیان ههڵاتن.
به گوێرهى ههوال ژمارهى ئهو تیرۆریستانه نزیكهى (15) تیرۆریست بون و
له نزیك سیاگوێز ویستویانه دزه بكهنه ناو ههرێمهوه .
هاوكات جهبار یاوهر بریكارى وهزارهتى پێشمهرگه رایگهیاند ئهو
تیرۆریستانه پهلامارى هێزى پێشمهرگهیان داوه بهڵام ناچار كراون كه
بكشێنهوه و شكستیان هێناوه .
وتیشى هێزهكانى پۆلیس و ئاسایش و پێشمهرگه روبهروى ئهو تیرۆریستانه
بونهتهوه و چهند كهسێكیان لێ كوژراوه بهڵام هیچ تهرمێكیان لێ بهجێ
نهماوه .
////////////////////////////////////////////////////////////////////////////////////////////////////////////
بهتۆمهتی رفاندنی رۆژنامهنووسێك پێنج
كارمهندی حكومهت دهستگیردهكرێن
بهڕێوهبهری پۆلیسی پارێزگای ههولێر، رۆژی پێنجشهممه، ئاشكرایكرد
هێزه ئهمنییهكان پێنج كهسیان بهگومانی رفاندنی ئازاد ئهرگوشی
بهڕێوهبهری ستهلایهتی نهورۆز دهستگیركردووه كه سهرجهمیان
كارمهندی وهزارهتی رۆشنبیریو سهتهلایتی ناوبراون.
عهمید عهبدولخالق تهڵعهت بهئاژانسی (دهنگهكانی عێراق)ی راگهیاند
"پاش ئهوهی ئازاد ئهرگوشی لهبنكهی پۆلیسی ناحیهی سهلاحهدین سكاڵای
لهدژی چهند كهسێكی نهناسراو بهتۆمهت رفاندنی تۆماركردبوو،
سهرلهبهیانی ئهمڕۆ (پێنجشهممه)، هێزه ئهمنییهكان پێنج كهسیان
دهستگیركرد"، ئاشكراشیكرد دهستگیركراوهكان "بهرپرسن لهوهزارهتی
رۆشنبیریو تهلهفزیۆنی ئاسمانی نهورۆز".
ئازاد ئهرگوشی، بهڕێوهبهری سهتهلایتی نهورۆزی وهزارهتی
رۆشنبیریو زمانحاڵی حكومهتی ههرێم، سهرلهئێوارهی 1/7/2008،
لهكاتێكدا دهگهڕایهوه بۆ ماڵ، لهلایهن چهند چهكدارێكی
نهناسراوهوه، لهرێگای نێوان ههولێر – پیرمام رفێندراو دوای
ئهشكهنجهدانێكی زۆر، لهنزیك شهقامێكهوه لهههولێر فڕێدرا. دواتر
ناوبراو رهوانهی نهخۆشخانهی فریاكهوتنی ههولێر كرا.
پێشتر جهلیل عهبدوڵا جێگری نهخۆشخانهی فریاكهوتنی ههولێر
به(دهنگهكانی عێراق)ی راگهیاندبوو كاتێك ئازاد ئهرگوشی
گهیهنرایه نهخۆشخانه شوێنهواری ئهشكهنجهدان بهپشتو دهستو
قاچیهوه دیار بوو، چارهسهری سهرهتایی بۆ كرا.
لهپهیوهندیهكی تهلهفۆنیدا، رۆژنامهنووس ئازاد ئهرگوشی
بهڕێوهبهری كهناڵی ئاسمانی نهورۆز راگهیاند لهپاش رفاندنو
ئهشكهنجهدانم "سكاڵام لهدژی هیچ كهسێكی دیاریكراو تۆمار نهكردووه".
وتیشی "تائێستا نازانم كێن ئهو كهسانهی ههوڵی رفاندنیان داوم".
روونیشیكردهوه "لهسهرداوای دادوهری لێكۆڵینهوه، راپۆرتێكم گشتیم
لهبارهی كهناڵی ئاسمانی نهورۆزهوه ئامادهكر، دیاره ستافی
لێكۆڵینهوه لهسهر ئهساسی راپۆرتهكه گومانیان لهو پێنج كهسه
كردووه كه دهستگیركراون".
////////////////////////////////////////////////////////////////////////////////////////////////////////////
سهرچاوهكان
سبهی. ئاوێنه . چاودێر
هاوڵاتی
