ژووری هه‌وال / داركۆ سعید

 تازه‌ کراوه‌ته‌وه‌ له‌ ڕۆژی24/ 02/ 2010

&&&&&&&&&&&&&&&&&&&&&&&&&

ئاسۆ جه‌بار كه‌مپینێك دژی‌ دیارده‌ی‌ تێهه‌ڵدانی‌ رۆژنامه‌نوسان راده‌گه‌یه‌نێت

به‌رپرسی‌ رێكخراوی‌ به‌رگریكردن له‌ئازادی‌ نوسین، نوسه‌رو رۆژنامه‌نوس ئاسۆ جه‌بار كه‌مپینێكی‌ دژی‌ دیارده‌ی‌ تێهه‌ڵدان‌و داپلۆسینی‌ رۆژنامه‌نوسان راده‌گه‌یه‌نێت.ئاسۆ جه‌بار له‌راگه‌یاندنێكیدا كه‌وێنه‌یه‌كی‌ نێردراوه‌ بۆ سایتی‌ ئاوێنه‌، تیایدا ئاماژه‌ بۆ ئه‌وه‌ده‌كات دیارده‌ی‌ لێدان‌و داپڵۆسین‌و ئیهانه‌كردنی‌ رۆژنامه‌نوسان بووه‌ته‌ دیارده‌یه‌كی‌ رۆژانه‌‌و هه‌میشه‌یی‌ له‌كوردستانی‌ عێراقدا، تا نوسینی‌ ئه‌م ناڕه‌زایینامه‌یه‌ له‌ماوه‌ی‌ سێ‌ هه‌فته‌دا زیاد له‌ 8 رۆژنامه‌نوس كه‌وتونه‌ته‌ به‌ر له‌ێشاوی‌ ئیهانه‌كردن‌و داپڵۆسین‌و هه‌ڕه‌شه‌لێكردن.به‌پێی‌ راگه‌یاندنه‌كه‌ ئاراسته‌ی‌ رێكخراوی‌ ئه‌منیستی‌ ئینته‌رناشناڵ-كۆمیته‌ی‌ به‌رگری‌ له‌ڕۆژنامه‌نوسانی‌ جیهان CPJ- رێكخراوی‌ (International Pen)-رێكخراوی‌ په‌یامنێرانی‌ بێسنور Reporters Without border-رێكخراوی‌ جیهانی‌ ئازادی‌ چاپ Freedom of Press org.-په‌یمانگه‌ی‌ جیهانی‌ چاپ‌بلاَوكردنه‌وه‌ International press institute -سه‌نته‌ری‌ جیهانی‌ رۆژنامه‌نوسان (ICFJ)International Center for Journalist-فیدراسوێنی‌ رێكخراوه‌كانی‌ كۆمه‌ڵگه‌ی‌ مه‌ده‌نی‌، كراوه‌.له‌پێشه‌كی‌ راگه‌یاندنه‌كه‌دا ئاسۆ جه‌بار  داوا له‌ مرۆڤدۆستان‌و به‌رگریكاران له‌مافی‌ رۆژنامه‌نوسان هه‌ڵوێستی‌ جیدی‌‌و پراكتیكی‌ بگرنه‌به‌ر بۆ به‌رگریكردن‌و پاڵپشتیكردنی‌ رۆژنامه‌نوسان‌و میدیا ئه‌هلی‌ له‌هه‌رێمی‌ كوردستانی‌ عێراق.له‌راگه‌یاندنه‌كه‌دا هاتووه‌" به‌پێی‌ چه‌ند ئامارێكی‌ باوه‌رپێكرا‌و تا ئێستاكه‌ زیاد له‌ 200 حاڵه‌تی‌ توندوتیژی‌ هه‌ر له‌كوشتن‌و رفاندن‌و لێدان‌و داپڵۆسین‌و ئیهانه‌كردن‌و ده‌ركردن‌و دادگایكردن‌و هه‌ڕه‌شه‌كردن له‌رۆژنامه‌نوسان تۆماركراون."هه‌روه‌ها ئاسۆ جه‌بار به‌ توندی‌ ئیدانه‌ی‌ سه‌رجه‌م ئه‌و ده‌ستدرێژیانه‌ ده‌كات كه‌ ده‌كرێنه‌ سه‌ر رۆژنامه‌نوسان، به‌تایبه‌تی‌ لێدان‌و په‌لاماردانی‌ به‌رپرسی‌ په‌یامنێرانی‌ هاولاَتی‌ (ئارا ئیبراهیم)‌و په‌یامنێر (سۆران ئه‌حمه‌د) له‌ماوه‌ی‌ یه‌ك هه‌فته‌دا له‌دوو رووداوی‌ جیاوازدا له‌لایه‌ن چه‌ند هێزێكی‌ تێكه‌ڵ له‌ هێزه‌كانی‌ ئاسایش‌و ده‌زگا ئه‌منییه‌كان‌و چه‌ك به‌ده‌سته‌وه‌.هه‌روه‌ها له‌راگه‌یاندنه‌كه‌دا هاتووه‌ "  لێره‌وه‌ داواكارین له‌سه‌رجه‌م رێكخراوه‌ مرۆڤدۆست‌و به‌رگریكاران له‌رۆژنامه‌نوسان‌و ئازادی‌ راده‌ربڕین بێن به‌ هانای‌ رۆژنامه‌نوسانه‌وه‌‌و به‌ جیدی‌‌و پراكتیكی‌ ئیدانه‌ی‌ سه‌رجه‌م ئه‌و توندوتیژییه‌ نائینسانیانه‌ بكه‌ن كه‌له‌لایه‌ن هێزه‌ ئه‌منییه‌كانی‌ ده‌سه‌لاَت‌و هێزه‌ نهێنی‌‌و چه‌ك به‌ده‌سته‌كانه‌وه‌ به‌ ئاشكراو نهێنی‌ به‌رامبه‌ررۆژنامه‌نوسان‌و میدیای‌ ئه‌هلی‌ پیاده‌ ده‌كرێن."هه‌روه‌ها له‌كۆتایشدا هتووه‌ "بۆ ئه‌م مه‌به‌سته‌ كه‌مپینێك راده‌گه‌یه‌نین بۆ به‌رگریكردن‌و به‌جیهانیكردنی‌ داكۆكیكردن له‌رۆژنامه‌نوسان‌و ئیدانه‌كردنی‌ هه‌ر كرده‌یه‌كی‌ ناشارستانی‌‌و نائینسانی‌ كه‌ به‌رامبه‌ر رۆژنامه‌نوسان ئه‌نجام ده‌درێت، داواكارین له‌هاولاَتیان‌و رۆشنبیران‌و رۆژنامه‌نوسان به‌ده‌نگ ئه‌م پشتیوانیه‌وه‌ بێن".

&&&&&&&&&&&&&&&&&&&&&&&&&&&‌&&&

راپرسییه‌ك... سه‌دا شه‌ست و سێی عێراقییه‌كان به‌شداری هه‌ڵبژاردنی داهاتوو ده‌كه‌ن

به‌ گوێره‌ی راپرسییه‌كی سه‌نته‌ری نیشتمانی راگه‌یاندن كه‌ له‌ ته‌واوی پارێزگاكانی عێراق ئه‌نجامیداوه‌، ده‌ركه‌وتووه‌ 63 له‌سه‌دی ئه‌وانه‌ی مافی به‌شدارییان هه‌یه‌ به‌شداریی له‌ هه‌ڵبژاردنی داهاتوو ده‌كه‌ن. راپرسییه‌كه‌ له‌ هه‌ژده‌ پارێزگاكه‌ی عێراق ئه‌نجامدراوه‌ و تێیدا پێنج هه‌زار كه‌س به‌شدارییان كردووه‌.به‌ گوێره‌ی ئه‌نجامه‌كانی ئه‌و راپرسییه‌ 63 له‌سه‌دی ده‌نگده‌ران ده‌نگده‌ده‌ن و به‌رزترین رێژه‌ی ده‌نگده‌رانیش له‌ دهۆك و زیقار تۆمار كراوه‌ و نزمترین رێژه‌ی ده‌نگدانیش له‌ ئه‌نبار تۆمار كراوه‌.سه‌رپه‌رشتیاری سه‌نته‌ری نیشتمانی راگه‌یاندن عه‌لی موسه‌وی رایگه‌یاند، جیاوازی له‌ نێوان رێژه‌ی به‌شداریكردنی هاوڵاتییان له‌ پارێزگایه‌كه‌وه‌ بۆ یه‌كێكی دیكه‌ ده‌گۆرِێت چونكه‌ هه‌ر پارێزگایه‌ك سروشتێكی تایبه‌تی هه‌یه‌.برِیاره‌ له‌ حه‌وتی ئازاری داهاتوو پرۆسه‌ی هه‌ڵبژاردنی گشتی له‌ عێراق به‌رِێوه‌بچێت بۆ هه‌ڵبژاردنی 325 نوێنه‌ر  بۆ خولی داهاتووی ئه‌نجومه‌نی نوێنه‌رانی عێراق.

&&&&&&&&&&&&&&&&&&&&&&&&&&&&&

نه‌ته‌وه‌یه‌كگرتووه‌كان داوای‌ دانوستان له‌گه‌ڵ مه‌لا عومه‌ر ده‌كات ‌
 

"كای ئێدی" نوێنه‌ری تایبه‌تی نه‌ته‌وه‌یه‌كگرتووه‌كان له‌ ئه‌فغانستان  له‌بری‌ پاداشت و پێدانی‌ پاره‌ داوای‌ دانووستان له‌گه‌ڵ مه‌لا عومه‌رو سه‌ركرده‌كانی‌ بزووتنه‌ی‌ تاڵیبان ده‌كات.وتیشی‌"هێزه‌كانی‌ فره‌نه‌ته‌وه‌ سه‌ركه‌وتن به‌ده‌ست ناهێنێت ئه‌گه‌ر گفتوگوێ راسته‌وخۆ له‌گه‌ڵ سه‌ركرده‌كانی ئه‌و بزووتنه‌وه‌یه‌دا نه‌كرێت .ئاشكراشی كرد" ئه‌و مووچه‌یه‌ی بزووتنه‌وه‌ی‌ تاڵیبان ده‌یدات به‌ ئه‌ندامه‌كانی‌ زۆر له‌و ده‌ستكه‌وته‌ مادییه‌ زیاتره‌ كه‌ دوای وازهێنان له‌ كاری چه‌كداری به‌ڵێنیان پێدراوه‌ بۆ وازهێنانیان.

&&&&&&&&&&&&&&&&&&&&&&&&&&&‌&&&&

 له‌ 5 ساڵی رابردوودا زیاتر له‌ 4 هه‌زار په‌نابه‌ری كورد دیپۆرتكراونه‌ته‌وه
 

له‌ ماوه‌ی پێنج ساڵی  رابردوو دا، 4240 په‌نابه‌ر به‌ زۆره‌ ملێ دیپۆرت كراونه‌ته‌وه‌، 213 په‌نابه‌ریش خۆیان كوشتوه‌، جگه‌له‌وه‌ش فرۆكه‌ی سه‌ربازیو ده‌رزی ته‌خدیر به‌كار هاتوه‌ سوكایه‌تیشان پێكراوه‌. هه‌روه‌ها حكومه‌تی هه‌رێمی كوردستان  ئیتفاقی له‌ گه‌ڵ ولاتانی ئه‌ورپی ئیمزاكردوه‌ بۆ ناردنه‌وه‌ی په‌نابه‌ران.په‌روه‌ر خۆشناو، هه‌ولێر: له‌كۆنگره‌یه‌كی رۆژنامه‌وانی كه‌ ئه‌مڕۆ سێشه‌ممه‌ 24/2 له‌ ریستۆرانتی چراخان له‌شاری هه‌ولێر سازدار، سكرتێری فدراسیۆنی سه‌رانسه‌ری په‌نابه‌رانی عێراق، ده‌شتی جه‌مال رایگه‌اند "دیاره‌ حكومه‌تی هه‌رێمی كوردستان له‌ به‌رامبه‌ر به‌ زۆری ناردنه‌وه‌ی په‌نبه‌راندا، ده‌ستی كۆمپانیا بازرگانیه‌كانیان گرتوه‌ بێن بۆ كوردستان، بۆ شه‌رعیه‌تدان به‌ده‌سه‌ڵاته‌كه‌یان‌وو كردنه‌وه‌ی نوسینگه‌ی ره‌مزی ئه‌و وڵاته‌ ئه‌وروپییانه‌، ئه‌وان به‌ ته‌واوی یارمه‌تی ئه‌م پرۆسه‌یان داوه‌."ده‌شتی جه‌مال رونیكردوه‌ "له‌ ماوه‌ی 5 ساڵی رابردوو 4240 په‌نابه‌ر به‌ زۆره‌ملێ ره‌وانه‌ی كوردستان كراونه‌ته‌وه‌ كه‌ له‌م ژماره‌یه‌ 213 كه‌سیان پائ گه‌ڕانه‌وه‌یان ماڵ‌و مناڵیان لێیان جیابووه‌توه‌‌و په‌نایان بۆ خوكوشتن هێناوه‌.به‌ وته‌ی ده‌شتی جه‌مال "شێوازی ناردنه‌وه‌ی ئه‌وه‌ په‌نابه‌رانه‌ دوره‌ له‌ هه‌موو بنه‌مایه‌كی ئینسانی، به‌ كه‌له‌پچه‌كراویی، به‌ ئیهانه‌و سوكایه‌تی به‌ فرۆكه‌ی سه‌ربازیی بۆ كوردستان نێردراونه‌ته‌وه‌، له‌ فرۆكه‌خانه‌ی هه‌ولێر پێشوازی كراون كه‌ بۆ ئه‌مه‌ مه‌به‌سته‌ پێشتر پۆلیسی تایبه‌ت ئاماده‌بووه‌‌و ئه‌گه‌ر په‌نابه‌ران ناره‌زایه‌یتیان پێشاندابێت ئه‌وا له‌سه‌روگوێلاكیان دراوه‌". سه‌رۆكی فدراسیۆنی په‌نابه‌رانی عێراق رایگه‌یاند "له‌ كۆبونه‌وه‌ی 27-11 2006 له‌ كاتی ته‌قدیمكرنی یاداشتێكی ناڕه‌زایه‌تی بۆ حكومه‌تی به‌ریتانیا، له‌ وه‌ڵامدا حه‌وت نوێنه‌ریان به‌ڕه‌سمی به‌ ئێمه‌یان راگه‌یاند ساڵی 2005 رێكه‌وتننامه‌یه‌كیان له‌گه‌ڵ حكومه‌تی هه‌رێمی كوردستاندا ئیمزاكردوه‌‌و هه‌ڵیناوه‌شێننه‌وه‌". به‌ وته‌ی ناوبراو له‌م شێوه‌ رێكه‌وتنانه‌ له‌ نێوان حكومه‌تی هه‌رێم‌و وڵاتانێك دیكه‌ی وه‌ك نه‌رویج‌و دانیمارك ئیمزا كراوه‌‌و له‌ هه‌ر وڵاتێكیش پاش ئه‌م رێكه‌وتنه‌ ژماره‌یه‌ك په‌نابه‌ری كوردیان دیپۆرت كردوه‌ته‌وه‌.

&&&&&&&&&&&&&&&&&&&&&&&&&&&&&&&&&&&

حوسێنی: كۆمیسیۆن له‌ ئاماده‌كارییه‌كانی به‌رده‌وامه‌

كۆمیسیۆنی باڵای سه‌ربه‌خۆی هه‌ڵبژاردنه‌كان له‌ عێراق به‌رده‌وامه‌ له‌ ئاماده‌كارییه‌كانی بۆ سه‌رخستن و به‌رِێوه‌بردنی پرۆسه‌ی هه‌ڵبژاردنی داهاتوو. ئه‌ندامی ئه‌نجومه‌نی كۆمیسیارانی كۆمیسیۆنی باڵای سه‌ربه‌خۆی هه‌ڵبژاردنه‌كان له‌ عێراق حه‌مدییه‌ حوسێنی رایگه‌یاند، كۆمیسیۆن به‌رده‌وامه‌ له‌ ئاماده‌كارییه‌كانی و له‌ ئێستادا ژماره‌یه‌كی پێویست له‌ كارمه‌ندانی بۆ به‌رِێوبردنی پرۆسه‌كه‌ دامه‌زراندووه‌.گوتیشی " له‌ هه‌فته‌ی داهاتوه‌وه‌ ده‌ستده‌كرێت به‌ راهێنانی كارمه‌ندان بۆ ئه‌وه‌ی بتوانن سه‌رپه‌رشتی كاره‌كان بكه‌ن و پرۆسه‌كه‌ به‌ رێكوپێكی به‌رِێوه‌بچێت".

 &&&&&&&&&&&&&&&&&&&&&&&&&&&&&&&&&&

هیومان رایتس ۆچ داوای له‌ به‌غدا كرد ئاسایشی كه‌مینه‌ ئاینییه‌كان بپارێزێت

نوسینگه‌ی رێكخراوی هیومان رایتس ۆچ له‌ خۆرهه‌ڵاتی ناوه‌رِاست داوای له‌ حكومه‌تی عێراق كرد هه‌وڵه‌كانی زیاتر بكات بۆ پاراستنی كه‌مینه‌ ئاینییه‌كانی عێراق. جێگری به‌رِێوبه‌ری نوسینگه‌ی رێكخراوی هیومان رایتس ۆچ له‌ خۆرهه‌ڵاتی ناوه‌رِاست (جۆ ستۆرك) نیگه‌رانی خۆی له‌ باره‌ی ره‌وشی كه‌مینه‌ ئاینییه‌كانی عێراق به‌ تایبه‌تی مه‌سیحییه‌كانی نه‌ینه‌وا پیشاندا و هیوای خواست ململانێی نێوان پێكهاته‌كانی نه‌ینه‌وا نه‌بێته‌ هۆی دروستبوونی مه‌ترسی بۆ سه‌ر مه‌سیحییه‌كانی نه‌ینه‌وا.(جۆ ستۆرك) ئاماژه‌ی بۆ ئه‌وه‌شكرد، ئه‌نجامدانی توندوتیژی دژ به‌ كریستییانه‌كان ئامانجی سیاسی له‌ پشته‌وه‌یه‌.دوێنێ له‌ درێژه‌ی ئه‌و كرده‌وه‌ تیرۆریستییانه‌ی دژ به‌ مه‌سیحییه‌كانی نه‌ینه‌وا ئه‌نجامده‌درێت پێنج هاوڵاتی مه‌سیحی له‌ نێو ماڵی خۆیاندا كوژران.پۆلیسی نه‌ینه‌وا به‌رده‌وامه‌ له‌ لێكۆڵینه‌وه‌ له‌ رووداوه‌كه‌ و تا ئێستا هیچ راگه‌یه‌ندراوێكی ره‌سمی له‌و باره‌یه‌وه‌ بڵاو نه‌كراوه‌ته‌وه‌.

‌&&&&&&&&&&&&&&&&&&&&&&&&&&&&&&&&&&

به‌ فه‌رمانی‌ سه‌رۆكایه‌تی‌ په‌رله‌مان رۆژنامه‌نوسان له‌ پرسگه‌ی‌ په‌رله‌مانیش ناكرێنه‌ ژوره‌وه‌

سه‌رۆكایه‌تی‌ په‌رله‌مان به‌ بڕیارێك به‌ته‌واوی‌ ده‌رگای‌ په‌رله‌مانی‌ به‌سه‌ر كه‌ناڵه‌كانی‌ راگه‌یاندندا داخست، ئه‌مڕۆ رێگه‌نه‌درا به‌ كه‌ناڵه‌كانی‌ راگه‌یاندن له‌ پرسگه‌ی‌ په‌رله‌مان بچنه‌ژوره‌وه‌.دوای‌ ئه‌وه‌ی‌ په‌رله‌مان كوردستان ده‌ستیكرد به‌ گفتوگۆكردن له‌سه‌ر بودجه‌ی‌ هه‌رێم و فراكسیۆنی‌ گۆڕان شه‌ڕی‌ له‌سه‌ر بودجه‌ ده‌ستپێكرد، راگه‌یاندنه‌كان به‌ گرنگییه‌وه‌ باسیان له‌ شه‌ڕ له‌سه‌ر بودجه‌ گواسته‌وه‌، سه‌رۆكایه‌تی‌ په‌رله‌مان بڕیاریدا راگه‌یاندنه‌كان نابێت 10 ده‌قیقه‌ زیاتر له‌ هۆڵی‌ كۆبونه‌وه‌ی‌ په‌رله‌ماندا بمێننه‌وه‌، له‌سه‌ر ئه‌م بڕیاره‌ش فراكسیۆنه‌كانی‌ گۆڕان و یه‌كگرتو و كۆمه‌ڵ هۆڵی‌ كۆبونه‌وه‌یان جێهێشت و داوایانكرد كه‌ كه‌ناڵه‌كانی‌ راگه‌یاندن ئازادبن له‌ تۆماركردن و گواستنه‌وه‌ی‌ دانیشتنه‌كانی‌ په‌رله‌مان.هه‌ر دوێنێ‌ له‌به‌رامبه‌ر هه‌ڵوێست وه‌رگرتنی‌ فراكسیۆنه‌كانی‌ ئۆپۆزسیۆن، ده‌سه‌ڵات حه‌ره‌می‌ په‌رله‌مانی‌ شكاند و هێزی‌ زێره‌ڤانیان برده‌ ناو په‌رله‌مانه‌وه‌، كه‌ناڵه‌كانی‌ راگه‌یاندنیش باسیان له‌و پێشێلكارییه‌ی‌ ده‌سه‌ڵات كرد.
هاوكات ئه‌مڕۆ به‌ فه‌رمانی‌ سه‌رۆكایه‌تی‌ په‌رله‌مانی‌ كوردستان كه‌ناڵه‌كانی‌ راگه‌یاندن له‌ پرسگه‌ی‌ په‌رله‌مان نه‌كرانه‌ ژوره‌وه‌ و رێگرییان لێكرا.له‌مباره‌یه‌وه‌ په‌یامنێرمان پێی‌ راگه‌یاندین: كاتێك چوین بۆ په‌رله‌مان پاسه‌وانه‌كان رێگرییان لێكردین و وتیان: به‌ فه‌رمانی‌ سه‌رۆكایه‌تی‌ په‌رله‌مان چونه‌ ناو په‌رله‌مان بۆ راگه‌یاندنه‌كان قه‌ده‌غه‌یه‌.سه‌باره‌ت به‌ رێگرتن له‌ چونه‌ژوره‌وه‌ی‌ كه‌ناڵه‌كانی‌ راگه‌یاندن ئۆپۆزسیۆنی‌ هه‌رێم پێی وایه‌ كه‌ ده‌سه‌ڵات ده‌یه‌وێت ئه‌مساڵیش بودجه‌ له‌ تاریكیدا تێپه‌ڕێنێت

&&&&&&&&&&&&&&&&&&&&&&&&&&&&&&&&&&‌

سوریا و ئێران پشتیوانی عه‌لاوی ده‌كه‌ن بۆ پۆستی‌ سه‌رۆك وه‌زیران ‌

 

كۆماری‌ ئیسلامی‌ ئێران و سوریا پشتیوانی له‌ ئه‌یاد عه‌لاوی سه‌رۆكی ئیئتیلافی عێراقییه‌ ده‌كه‌ن بۆ وه‌رگتنی‌ پۆستی سه‌رۆك وه‌زیری داهاتووی عێراق و هاوكات عه‌لاوی‌ دوای‌ سعودیه‌ به‌نیازه‌ سه‌ردانی‌ ئێران بكات.به‌پێی‌ هه‌واڵێكی‌ سایتی "سۆمه‌ریه‌ نیوز" ئێران و سوریا له‌سه‌ر ئه‌وه‌ رێككه‌وتوون ئه‌یاد عه‌لاوی سه‌رۆكی ئیئتلافی عێراقیه‌ پۆستی سه‌رۆك وه‌زیری داهاتووی عێراق وه‌ربگرێت ، ئه‌ویش له‌ حاڵێكدا ئه‌گه‌ر له‌ هه‌ڵبژاردنه‌كان ده‌نگی‌ باشی‌ به‌ده‌ست هێنا. سۆمه‌ریه‌ نیوز له‌ زاری‌ سه‌رچاوه‌ حكومی عێراق كه‌ نه‌یویستوه‌ ناوه‌كه‌ی‌ ئاشكرا بكرێت وتویه‌تی‌" شاندێكی‌ ئیئتلافی عێراقییه‌ چاوی به‌ گه‌وره‌ به‌رپرسێكی سوپای پاسدارانی ئێران كه‌وتووه‌و سه‌باره‌ت به‌ پرسی‌ كاندیدكردنی‌ ئه‌یاد عه‌لاوی بۆ سه‌رۆك وه‌زیری داهاتووی عێراق گفتوگۆیان كردووه‌و به‌رپرسه‌ ئێرانیه‌كه‌ش هه‌موو هاوكاری‌ و پشتیوانیه‌كی‌ ده‌ربڕیوه‌.له‌لایه‌كی‌ دیكه‌وه‌و له‌ كۆنفرانسێكی رۆژنامه‌وانیدا كه‌ له‌ به‌غدا سازدرابوو ئه‌یاد عه‌لاوی سه‌رۆكی ئیئتلافی عێراقییه‌ سه‌رسورمانی ده‌ربری كه‌ به‌هۆی سه‌ردانه‌كه‌ی بۆ میسر و عه‌ره‌بستانی سعودی كه‌وته‌وه‌و وتی‌" بارودۆخه‌كه‌ وای لێهاتووه‌ سه‌ردانكردنی وڵاتانی عه‌ره‌ب كوفر بێت وجه‌ختی كرده‌وه‌" به‌رژه‌وه‌ندیی عێراق ئه‌وله‌ویه‌تی سه‌ردانه‌كه‌ی بووه‌و به‌هیچ شێوه‌یه‌ك خۆی نه‌داوه‌ له‌قه‌ره‌ی ئاكام و ئه‌نجامه‌كانی هه‌ڵبژادنی داهاتووی وڵات.وتیشی‌" به‌نیازم سه‌ردانی له‌ ئێران و توركیا بكه‌م و هاوكات داوای له‌ سه‌ركرده‌ سیاسیه‌كانی عێراقیش كرد واز له‌ گله‌یی و گازه‌نده‌ و سه‌رزه‌نشتكردن بهێنن و خۆشیان سه‌ردانی وڵاتانی دیكه‌ی عه‌ره‌ب بكه‌ن بۆ هه‌مان مه‌به‌ست بكه‌ن.
 

&&&&&&&&&&&&&&&&&&&&&&&&&&&&&&&&&&‌

 

 

،په‌یامنێر ،.ئاوێنه‌، سبه‌ی.

 

 

 

مافي ئةم ساييتة ثارصزراوة بؤ ئاراس©2006